Galiciapress tivo acceso a dous documentos onde a Asemblea Aberta de Estudantes recolleu algúns deses abusos que sofren os estudantes, entre os que se atopan ameazas físicas, insultos ou “humillacións públicas”.
O líder de Unidas Podemos e candidato á presidencia do Goberno de España foi unha das moitas personalidades que quixo dar o seu apoio aos manifestantes, que cumpren xa 24 horas de parón ininterrompido e que está noite encerráronse na facultade. Galiciapress atendeu as súas denuncias antes de iniciar as mobilizacións.
A facultade de Medicina de Santiago plantouse este martes ante os problemas do centro. Galiciapress recolleu as súas denuncias e o alumnado baleirou as aulas este martes nunha xornada de paro, concentracións e reivindicacións para tentar que lla Universidade de Santiago aborde as carencias que sofre tanto a docencia e a organización das clases como o estado do inmoble.
Os estudantes de medicina da Universidade de Santiago de Compostela non van tomar un só apuntamento máis a partir deste 5 de novembro. Representantes da Asemblea Aberta de Medicina, plataforma convocante da folga, atenden a Galiciapress para profundar nas súas reivindicacións, onde a incompatibilidade de horarios, as prácticas oficiais ou o trato irrespetuoso dalgúns docentes son os motivos para esta folga que obriga aos futuros médicos de Galicia a colgar momentaneamente bátalas brancas e poñerse o mono de traballo para cambiar a súa carreira.
As compañeiras da alumna criticada polo traballador público xa non terán que ir, como planeaban, todas con escote á clase do venres. Visto a reiteración das polémicas de Méndez, a USC decidiu apartalo, por agora, da docencia. Algo que non intimida ao polémico profesor. "Non dou clases a mulleres en topless, dáme igual que me mande o reitor ou Cristo bendito", declara.
Galiciapress fala con C.C.C., a alumna á que Luciano Méndez mandou onte á última fila da aula porque non podía estar diante “co escote que levaba”. A afectada, que sinala que Méndez mesmo insinuou que ela se vestiu así “para provocalo”, di ter “medo” de asistir a máis clases súas. “Sabía del as cousas máis soadas, como o de ‘A Manda’, a violencia machista, que agrediu á policía…pero non sabía nada da súa obsesión polos escotes”, afirma.
O catedrático de Edafoloxía e Química Agrícola na Universidade de Santiago de Compostela (USC) Felipe Macías respondeu mediante unha rolda de prensa ás acusacións realizadas polos seus traballos en favor dos proxectos mineiros de Touro e San Finx, despois da publicación de dous informes que evidencian que os documentos elaborados por Macías están “repletos de plaxios de traballos doutros autores que se manipulan sen pudor, mesmo parágrafos enteiros copiados sen citación de blogues anónimos”.