A Xunta pon en valor o papel das universidades para lograr a igualdade de xénero

A secretaria xeral de Igualdade, Susana López Abella, destacou, durante o acto conmemorativo do Día Internacional para a Eliminación da Violencia contra as Mulleres celebrado na Universidade da Coruña (UDC), o papel das universidades no fomento da igualdade e a erradicación da violencia de xénero.

López Abella sinalou que as universidades constitúen un dos ámbitos de socialización que máis inflúen na aprendizaxe das novas xeracións.

Por iso, instou a traballar desde esas institucións académicas na prevención de actividades sexistas e discriminatorias e na sensibilización e visibilización deste problema.

Por outra banda, recalcou que a educación é "a porta de entrada" para inculcar a igualdade entre os máis novos, segundo expuxo.