​Exames telemáticos para alumnos sen internet: os universitarios galegos cargan contra as tres universidades e os exames online

A falta de información e solucións ofrecidas ata a data desde a USC, UDC e UVigo provocou o malestar e o enfado de moitos alumnos, que envorcaron as súas frustracións en redes sociais con campañas contra as universidades.

Moitos alumnos aínda non sabén como van ser avaliados

“Así non”. Esa é consígnaa que máis se move estes días nos grupos de whatsapp dos alumnos das tres universidades galegas e sobre a que se uniron baixo o hastag #AsíNon seguido das siglas da institución de quenda: USC, UDC ou UVigo. “Os métodos que están a idear os profesores para os exames son patéticos”, “Subir catro diapositivas non é dar temario” ou “Ao 24 de abril e non teño nin puta idea de como me van a avaliar” son algúns dos moitos comentarios que o estudantado galego ha posto en redes sociais para manifestar o seu enfado.

Impotencia, frustración, ansiedade…moitos son os sentimentos dos estudantes universitarios galegos que viven nunha incerteza constante estes días. Aínda que desde a universidade compostelá din que a avaliación será flexible, igualitaria e que buscará o menor número posible de exames, o alumnado critica que os criterios marcados polos profesores na guía docente de cada materia son, en moitos casos, inasumibles, pola carga de traballo e polas condicións impostas. “Están a rirse na nosa cara”, lamenta unha alumna da universidade santiaguesa. A UVigo e a UDC tamén manifestaron a súa intención de facilitar os métodos de avaliación, pero os colexiais poñen isto en dúbida.

SISTEMAS INFORMÁTICOS CAIDOS DURANTE Os EXAMES 

Doutra banda, moitos alumnos expresan os seus receos sobre a capacidade dos sistemas virtuais das universidades galegas -pouco modernizados- para poder asumir que centenares de alumnos conéctense á vez para realizar un exame. Xa se deron casos de exames telemáticos que tiveron que ser suspendidos porque caeu o sistema informático durante a celebración do mesmo, segundo advirten algúns alumnos. Ademais, moitos dos afectados ven imposible poder facer algúns exames online porque o estado de alarma pillounos lonxe do seu piso de estudante, onde teñen os seus apuntamentos e material de estudo. “Acábase de caer moodle cando ía entregar un traballo…e pretenden facer exames online”, ironiza unha alumna da universidade herculina.

A isto, hai que sumar a cantidade de alumnos que contan cunha pobre conexión a internet nos seus domicilios ou, directamente, non teñen conexión a internet nos fogares nos que se atopan confinados, ou os que non contan con computador propio e teñen que compartilo con irmáns ou os seus pais, algo que se complica neste tempo de teletraballo.

“Os que vivimos nunha aldea e cunha cobertura que non nos permite asistir ás clase sen problemas…como facemos?”, cuestiona un universitario da cidade olívica. Estes últimos son os alumnos que senten máis abandonados polas universidades, que aínda que admiten os problemas de conexión dos seus alumnos, non ofrecen alternativas. Sen ir máis lonxe, a UDC cifra en 3.000 os alumnos que din experimentar algún tipo de problema coa súa conexión.

Por estes motivos algúns estudantes piden finalizar xa o curso e que as notas deste segundo cuadrimestre non conten para optar ás bolsas nin para a media académica, aínda que esta opción a día de hoxe parece imposible, xa que o Ministerio de Universidades, dirixido por Manuel Castells, avoga por avaliar aos alumnos, aínda que suxire ás universidades que consulten aos seus estudantes a forma pola que queren ser avaliados.

FOLGA TELEMÁTICA

Estes hándicaps son os que motivaron unha folga telemática que secundou parte do alumnado, negándose a entrar nos campus virtuais e a entregar os traballos. Con todo, e a pesar da folga, os exames seguen en pé, e aínda que non se celebrarán en maio, seguen en pé para xuño, aínda que moitos aínda non saben a forma na que serán avaliados.

O tempo corre en contra dos alumnos, sobre todo daqueles que dependen das bolsas para poder seguir formando parte do sistema universitario e que viven pendentes de como se solucionará este envurullo, e das universidades, que poden perder unha gran cantidade de estudantes o ano que vén por este motivo e cuxa reputación depende do que ocorra nesta recta final do curso. Uns poñen en xogo o seu prestixio…outros o seu futuro.