Fin ao calvario: Yago de Santiago volve sentirse futbolista nove meses despois de romper o cruzado

A espera de Yago de Santiago foi longa como un parto. Máis ben, como un embarazo, porque foron nove os meses que o futbolista galego ha estado agardando a poder volver aos terreos de xogo despois de que a finais de xaneiro, xusto cando vivía o seu mellor momento, sufría unha das peores lesións posibles: rotura do ligamento cruzado anterior. Onte, en Copa do Rei, por fin volvemos ver ao vigués vestir de curto e retomar a súa carreira onde a deixou, dominando o costado destro do Martínez Valero.

O LONGO CAMIÑO

Auque media hora pode saber a pouco, a Yago de Santiago debeu de deixarlle moi bo sabor de boca. Sarabia non correu présas coa súa reestrea. A pesar de levar semanas adestrando co grupo, quixo agardar ao momento oportuno para o regreso do extremo olívico, e este tivo lugar no torneo do K.O. nunha vitoria cómoda dos franjiverdes. Certo é que, desde que empezou a asomar nas convocatorias, non se deu a situación para o seu regreso, pois o Elxe atravesa unha fochanca de resultados tras un inicio de liga prometedor: tres partidos resumidos dúas derrotas e un empate, con só un gol a favor en 270 minutos.

O galego ingresou ao campo roldando a hora de xogo e con 0-3 no luminoso. O humilde Os Garres recibiu aos ilicitanos, que puxeron de face o choque ao cuarto de hora co gol sensacional de tacón de Boayar e deixaron todo resolto no engadido da primeira parte cos goles de Neto e Rodrigo Mendoza. Neste escenario, dábanse as condicións óptimas para que de Santiago puidese volver sentirse futbolista sen unha presión excesiva e comer o céspede. 

Redondo terminaría por facer o 0-4 definitivo que concede ao Elxe o billete á seguinte rolda. Pero a mellor noticia foi o regreso de Yago. Cando se lesionou, era un fixo nos esquemas de Sarabia, que non só non perdeu a confianza no mozo canteirán do Tottenham, senón que no club reforzaron a súa aposta dándolle o dorsal número 7 co que saltou no estadio murciano Enrique Roca. 

Agora, o seguinte reto é ter minutos en Primeira División, quen sabe si este domingo contra o todopoderoso Barça ou si será xa o día 7 de novembro, ante a súa xente contra a Real Sociedade. Sexa cando sexa, que sexa un debut na elite tan feliz como esperado, porque o camiño foi longo e tortuoso, pero Yago de Santiago xa está na meta.