Esgotada a vía para a venda da planta de Cervo a Liberty House ou á Sociedade Estatal de Participacións Industriais (SEPI), o futuro dos máis de medio milleiro de postos de emprego na planta de San Cibrao seguen en mans de Alcoa, que volve falar de despedimento colectivo e pon como data leste mesmo martes para aplicalo.
Os ingleses queren que os americanos se comprometan a facilitarlles materia prima a un determinado prezo durante 20 anos. Alcoa non está polo labor e parece complicado que ceda a poucas horas de que acabe o seu ultimato. Mentres, os traballadores da fábrica, que supón un terzo do PIB provincial, seguen mobilizándose á desesperada.
Os traballadores de Alcoa San Cibrao encerráronse nos concellos de Xove e Viveiro este sábado, a 48 horas da convocatoria da última mesa negociadora, que terá lugar o luns ás 12,00 horas no Pazo de Cea de Nigrán (Pontevedra).
A empresa alega que non pode negociar baixo ameazas e manda dar a volta ao vehículo que levaba aos seus representantes á reunión para pechar o ERE. Os traballadores acusan á multinacional de non querer pechar a venda da empresa. O Goberno pídelles calma e prudencia, pero mañá hai unha protesta fronte ao Parlamento, en Santiago.