A saída de Ryanair dos aeroportos de Santiago de Compostela e Vigo supón un golpe histórico para a conectividad aérea galega. A compañía irlandesa reducirá máis dun millón de prazas na comunidade, nunha decisión que atribúe ao incremento das taxas de Aena, aínda que desde o xestor aeroportuario cuéstionase esa versión. Galicia, que vira como Ryanair convertíase nun dos seus dous principais operadores, enfróntase agora a un futuro incerto en materia de transporte aéreo.

Galicia, o epicentro do recorte

O axuste anunciado por Ryanair afecto a toda España, pero Galicia leva a parte máis severa. Máis da metade das prazas eliminadas no país corresponden a aeroportos galegos. O movemento deixa sen voos a Vigo e desmantela a base de Santiago.  

Estímase unha perda de 453.000 prazas directas só en Santiago Lavacolla. En total, Galicia deixará de contar con ao redor de 1,25 millóns de asentos, o que supón un 20 % do tráfico aéreo da comunidade.

• En Santiago: 
  • Cancélanse voos a Alacante, Palma de Mallorca, Málaga, Barcelona, Gran Canaria e Zaragoza desde o 26 de outubro. 
  • Desde o 26 de outubro redúcense frecuencias a Tenerife Sur (de 10 a 3 voos semanais), Lanzarote (de 5 a ), Londres (de 5 a 2),  e Valencia (de 8 a 4)-
  • Ao terminar este verán elimínanse todas as dúas frecuencias semanais dos voos estivais que partían de Lavacolla a Bruxelas, Dublín, Forteventura, Menorca, Eivissa e Memmingen. Son conexións que era previsible deixasen de funcionar ao terminar a tempada turística.
  • Mantense catro conexións semanais a Sevilla
• En Vigo: 
  • Desaparecen todas as conexións a Londres (tres á semana).,
  • Antes, en pleno conflito co Concello, a compañía xa suprimira Barcelona, Dublín, Bolonia e Milán.

Isto implica que destinos de gran demanda, non só para turistas pero tamén para os numerosos emigrantes galegos, como Londres, Tenerife ou Barcelona, quedarán fóra da oferta de Ryanair. A magnitude do recorte supón que a aerolínea perda a súa posición de liderado en Galicia, onde até agora transportaba a case un terzo dos pasaxeiros aéreos. Só Iberia transportaba máis persoas no país. A nivel estatal, a empresa irlandesa era a líder. 

Impacto económico e social

O repregamento representa tamén un duro golpe económico. A compañía convertera a súa presenza en Galicia nun polo de atracción de turistas e nun factor crave para o tecido empresarial, que dependía da conectividad aérea para manter relacións con mercados nacionais e internacionais. As estimacións de impacto apuntan a unha perda de centos de miles de visitantes ao ano, o que afecta a sectores como a hostalaría, o comercio e os servizos.

En Vigo, a desaparición total da aerolínea significa un retroceso na súa capacidade de atraer viaxeiros internacionais. En Santiago, a redución drástica de rutas complica a mobilidade dos galegos cara a outras polos turísticos españois e europeos.

Un pulso con Aena

Ryanair atribúe esta decisión á subida das taxas aeroportuarias prevista a partir de 2026, que considera excesiva para manter a rendibilidade das rutas rexionais. Aena, en cambio, rexeita ese argumento e defende que as súas tarifas están por baixo da media europea. 

O organismo público apunta a unha estratexia propia da aerolínea, que nos últimos anos xa reducira a súa presenza noutros aeroportos españois como Vigo, Santander, Asturias ou Canarias. Ryanair tende a crear conexións se logra subvencións das administracións locais para despois cancelalas se esas axudas públicas non se manteñen. 

A retirada de Ryanair abre unha nova fronte no debate sobre a coordinación dos tres aeroportos galegos. A Xunta volve situarse baixo presión para definir unha estratexia clara que permita reforzar a competitividade das terminais de Santiago, A Coruña e Vigo. Así llo demandou, por exemplo, o goberno local de Santiago de Compostela. 

O repregamento de Ryanair tamén se deixa sentir en Asturias e en Cantabria, aínda que cunha intensidade menor. No Principado eliminaranse varias conexións internacionais, o que limita a capacidade de crecemento do aeroporto de Oviedo.