Problemas para o baño en Sanxenxo e na Ría de Pontevedra por carabelas portuguesas

A presenza de carabelas portuguesas non é nova na costa galega. Desde hai varios días, socorristas e equipos municipais detectaron exemplares vivos e restos en numerosas praias de Sanxenxo, entre elas Major, Pragueira, Bascuas, Paxariñas, Canelas e Montalvo. A bandeira amarela mantívose nestas praias a última semana, como advertencia aos usuarios. Esta especie, que chega arrastrada polas mareas e os ventos atlánticos, pode causar dor intensa si os seus tentáculos entran en contacto coa pel. Por este motivo, a recomendación máis importante é evitar tocar calquera carabela, viva ou morta, e seguir sempre as indicacións dos socorristas.

O Concello de Sanxenxo insistiu cada día na importancia de non bañar nas praias afectadas e de informar os servizos de salvamento en caso de detectar exemplares na area. O persoal de salvamento patrulla os areais e procede á retirada dos restos atopados. Até este luns, informouse que a maioría de carabelas eran atopadas mortas e sen tentáculos, o que reduce o risco, aínda que non o elimina do todo. Por iso, aínda que a situación é menos perigosa en moitas zonas, en Montalvo a chegada de exemplares vivos elevou o nivel de alerta e motivado a prohibición total do baño.

En anos anteriores, a aparición de carabelas portuguesas nos areais das Rías Baixas repetiuse de forma esporádica, sobre todo a finais de agosto e principios de setembro. A picadura non adoita ser mortal pero pode provocar molestias importantes, reaccións alérxicas e nalgúns casos requirir atención médica. A mensaxe principal dos expertos e as autoridades é a prudencia: se se produce unha picadura, recoméndase lavar a zona afectada con auga salgada e acudir canto antes aos servizos sanitarios. A alerta manterase activa mentres persista o risco nas praias galegas.