Rueda pasou catro veces en dous anos de presidir o Consello da Xunta para ir a Madrid a actos do PP

A rutina institucional dos luns en San Caetano leva tempo sufrindo  unha alteración notable. O presidente autonómico, entre cuxas funcións legais está presidir a reunión semanal do Executivo, e que adoita comparecer posteriormente ante os medios de comunicación para debullar os acordos alcanzados, non estivo presente en cinco ocasións no que levamos de lexislatura.

O que podería parecer unha anécdota menor en realidade non o é, xa que o motivo predominante destas faltas non é outro que acudir a arroupar a estratexia do PP en Madrid. É dicir, Alfonso Rueda Valenzuela está a dar prioridade a uns actos partidistas por diante das súas obrigacións legais.

Das cinco veces que Alfonso Rueda non cumpriu co ritual completo do Consello —xa sexa faltando á deliberación, á rolda de prensa ou a ambas—, catro delas tiveron como xustificación o seu desprazamento á capital de España. Alí, o titular da Xunta participou en cumes orgánicos do Partido Popular, encontros deseñados para coordinar a acción política nacional e marcar a folla de ruta baixo o liderado de Alberto Núñez Feijóo. Só nunha das ocasións rexistradas a ausencia respondeu a motivos de índole persoal, concretamente a uns días de descanso compensatorio que foron debidamente notificados e publicados.

Desglose cronolóxico das ausencias:

• Xullo de 2024: Faltou a un Consello para asistir á xunta directiva nacional do PP en Madrid.
• 28 de outubro de 2024: Presidiu o Consello pero non compareceu na rolda de prensa posterior, xa que acudiu ao comité executivo nacional do seu partido.
• 19 de maio de 2025: Volveu ausentarse para participar nunha xunta directiva do PP.
• Outubro de 2025: Non acudiu por atopar de vacacións, compensando así días de traballo durante o mes de agosto.
• 22 decembro de 2025: Faltou un luns para asistir a unha reunión do PP tras as eleccións de Estremadura.

Hai que sinalar que a fución da  presenza de Rueda en Madrid vai pouco máis aló do atrezo. A súa asistencia non é imprescindible para tomar decisións. Simplemente, son encontros que Alberto Núñez Feijóo, o seu antecesor no cargo, convoca para sacar músculo mediático tras acontecementos políticos especialmente relevantes ou favorables, como a vitoria do PP este fin de semana en Estremadura.

Ante este escenario, a mecánica interna do Goberno galego ha tido que adaptar para manter o seu funcionamento ordinario de face á opinión pública. Nestas conxunturas, a responsabilidade de dar a cara ante a cidadanía e explicar as medidas aprobadas ha recaído en Diego Calvo, conselleiro de Presidencia. 

Esta delegación de funcións, aínda que prevista no regulamento, serviu para visibilizar aínda máis o oco deixado polo presidente, xerando unha imaxe de interinidade momentánea que contrasta coa habitual omnipresencia que adoitan exercer os baróns autonómicos nos seus territorios.

Para comprender o significado das ausencias, é necesario entender a importancia simbólica e executiva que ten o Consello da Xunta na arquitectura política da comunidade. Este órgano colexiado non é unha simple reunión administrativa; é o equivalente ao Consello de Ministros a escala autonómica, o foro onde se debaten, aproban e validan as políticas públicas que afectan directamente á vida dos galegos. 

Ademais, a presidencia destas sesións e a posterior explicación dos acordos son as ferramentas principais coas que o líder da Executivo marca a axenda política da semana. Ao renunciar a este escaparate para acudir á chamada do seu partido en Madrid, Rueda envía unha mensaxe que os seus detractores interpretan como unha declaración de intencións sobre onde reside a súa verdadeira lealdade.

A oposición interpreta as súas ausencias como produto dunha debilidade estrutural do actual mandato, acusando o presidente de supeditar os intereses de Galicia ás directrices da sede nacional do PP. Desde o BNG, Ana Pontón foi especialmente incisiva, cualificando estas escapadas a Madrid non como viaxes de traballo para a comunidade, senón como actos de submisión política. Para os nacionalistas, cada vez que Rueda elixe unha Xunta Directiva Nacional en lugar do Consello, evidénciase unha falta de autonomía e unha priorización dos intereses partidistas por encima das necesidades institucionais dos galegos, unha crítica que busca erosionar a imaxe de xestor centrado no territorio que a Xunta tenta proxectar.

Nunha liña similar, aínda que cos seus propios matices, pronunciouse o PSdeG-#PSOE encabezado por José Ramón Gómez Besteiro. Os socialistas ven nestas ausencias repetidas un síntoma de abandono de funcións e unha falta de respecto á institución que representa a todos os cidadáns da comunidade. Non o consideran feitos illados, senón a confirmación de que a estratexia de confrontación nacional do Partido Popular está a absorber os recursos e o tempo do presidente galego. Para a oposición en bloque, a cadeira buxán en San Caetano é a proba de que o liderado real está a exercerse por control remoto desde Madrid por Feióo, deixando a Galicia nun segundo plano dentro das urxencias tácticas da dereita española.

A defensa dun goberno coral e coordinado

Fronte á choiva de críticas Alfonso Rueda e o propio Goberno galego construíron un muro de contención argumental baseado na normalidade e a eficacia do equipo. A xustificación oficial sostén que a asistencia aos órganos de dirección do PP en Madrid é fundamental para defender unha postura común que, aseguran, tamén beneficia a Galicia. Negan tajantemente que exista un baleiro de poder ou desatención, argumentando que os asuntos a tratar no Consello quedan perfectamente coordinados con anterioridade entre o presidente e os seus conselleiros.  

O concepto crave que manexa San Caetano para desactivar a polémica é o de "goberno coral". Desde a Xunta insístese en que o Executivo non é unipersoal e que a figura do conselleiro de Presidencia, Diego Calvo, ten a lexitimidade e a capacidade plena para liderar a reunión e responder ante os medios. Téntase transmitir a idea dun equipo sólido onde as responsabilidades son compartidas e onde a ausencia física do presidente non implica unha parálise na toma de decisións. 

“Trasladamos igualmente todos os asuntos. É máis, contestamos a todas as preguntas, gústenche ou non gústenche”, declarou onte Calvo onte cando a prensa lle interpelou pola ausencia de Rueda.