O presidente de Estados Unidos trata de anexionar Groenlandia e convertela no estado 51 do país. No medio das presións de Donald Trump, a nación celebra este martes unhas eleccións parlamentarias que poden impulsar o movemento independentista na illa, que pertence a un Reino de Dinamarca que achega un subsidio do que dependen en gran medida os cidadáns do círculo polar ártico. A investigadora galega Adriana Nogueira-Gassent, que residiu sete anos en Groenlandia, conta a súa experiencia nunha conversación con Galiciapress e arroxa un pouco de luz sobre a realidade na nación ártica, onde o peso da pesca é máis que significativo na súa economía e nas súas relacións comerciais.