Accidente laboral: morre un traballador electrocutado dentro dunha arqueta no Grove

Pesar no Grove polo último accidente laboral que custou a vida dun traballador. Os feitos tiveron lugar este martes, na estrada que comunica A Lanzada con San Vicente, cando o operario traballaba no interior dunha arqueta.

FEITOS

O suceso ocorreu mentres o traballador manipulaba un trade nesta pequena cabidad subterránea, onde recibiu unha potente descarga eléctrica. A consecuencia do fatal episodio, o traballador perdeu a vida.

Aínda que ao redor das 15:30 horas os equipos de emerxencias do 112 Galicia tiveron coñecemento do ocorrido no Grove, o despregamento de medios, cun helicóptero medicalizado enviado ao lugar (precisamente a nova aeronave en substitución da que opera na base de Santiago), non puido evitar a morte do traballador.

Desde Urxencias Sanitarias de Galicia-061 só puideron constatar o deceso, a pesar dos esforzos dos sanitarios por tratar de reanimar ao home e a presenza de membros da Garda Civil e bombeiros no lugar.