A Xunta de Galicia lanzará unha escola de pastores en Ourense co obxectivo de formar novos profesionais no manexo do gando e fomentar un modelo de pastoreo que contribúa á xestión sostible do monte. A iniciativa, promovida pola Consellería do Medio Rural, busca revalorizar o traballo gandeiro e reforzar a loita contra os incendios forestais mediante unha gandaría extensiva máis activa e profesionalizada.