eleccións municipais

A Xustiza manda repetir as eleccións nunha mesa de Burela, que non terá alcalde ata setembro
O Tribunal Superior de Xustiza de Galicia ordenou repetir a votación dunha mesa electoral do concello lucense de Burela, ao estimar o recurso que presentou o partido Burela Sempre por seis votos que foron declarados nulos e que poderían permitirlle obter un concelleiro.
​Lara Méndez (PSOE): “Queremos que Lugo sexa o Green Vancouver europeo”

Unha cidade que medra a partir da economía verde e do turismo sostible. Lara Méndez (1972) explica nesta entrevista con Galiciapress o seu plan para Lugo para os próximos catro anos. As enquisas sitúana con moitas opcións de liderar un goberno de esquerdas, pero advirte que se as dereitas suman PP e Ciudadanos xa dixeron que non terían problema en pactar cun Vox que rondou o 7% dos votos nas xerais. A política de pactos postelectoral, as medidas a prol da igualdade e as relacións coa Xunta son outros dos temas desta conversa.

Expediente a un alcalde por convidar a unha comida a maiores usando as cores do seu partido


Usar o número do Concello con fins partidarios e facer promoción de obras e actos públicos usando cores e eslóganes do seu partido, Alternativa dos Veciños. Estas son algunhas das prácticas do alcalde de Oleiros, agora no punto de mira da Xustiza.

Que alianzas son posibles para formar goberno en Santiago?

Este martes todos os principais candidatos á alcaldía de Compostela debateron xuntos na USC. Aínda que remisos, deixaron algunha pista de por onde poden ir os pactos post-electorais. Por exemplo, o PP promete que nunca pactará con Vox en Santiago, aínda que se con Cidadáns. 

"​Bugallo aspira a ser o voto útil da dereita e Compostela Aberta é o voto útil da esquerda"

É realista que Bugallo saque máis apoio nas locais que o que acadou Pedro Sánchez nas xerais? Este é un dos argumentos que enarbora sobre as recentes enquisas o alcalde de Santiago. Nesta entrevista con Galiciapress, Martiño Noriega tamén cuestiona a estratexia do PSOE, que ve pescando na da dereita ao calcar propostas conservadoras como instalar máis cámaras de seguridade. A fusión de concellos, a necesidade de repensar que turismo busca Compostela e o contraste entre a unión a nivel local da marea fronte o divorcio a nivel autonómico de En Marea son outros dos temas desta conversación.

Os socialistas galegos gobernarán case todas as cidades, segundo outra enquisa

Só Lores resiste en Pontevedra ao ascenso do PSdG. Parece que o efecto da vitoria de Sánchez permitirá aos socialistas gobernar en case todas as urbes, aínda que unicamente en Vigo lograrán a absoluta. 

O alcalde da Coruña tira de humor para responder aos que puxeron un maniquí coa súa cara no seu lugar nun debate
O alcalde da Coruña e candidato á reelección por Marea Atlántica, Xulio Ferreiro, xustificou a súa ausencia ao debate organizado pola Asociación Profesional de Autónomos, Emprendedores e Empresarios de Galicia (Ascega) este xoves pola mañá e cuxos organizadores optaron por colocar un boneco coa careta do rexedor.
​Bugallo: “Todos os apoios que teñamos para sacar adiante o noso proxecto de cidade serán ben recibidos”

Xosé Sánchez Bugallo (1954) demostra nesta entrevista que coñece Santiago como a palma da súa man. Por exemplo, cando se lle pregunta pola “fantasía” do metro lixeiro do PP, en seguida argumenta citando detalladas cifras de pasaxeiros. Ao candidato do PSdeG, nótaselle os 12 anos que botou de alcalde e que está poñendo toda a carne no asador. O local -montado no Ensanche, territorio hostil, pois é un dos poucos barrios nos que gañou o PP o 28A- zumega unha frenética actividade. Ao temón un político veterano que, nesta entrevista, móstrase moi duro con Noriega. Das súas palabras, dedúcese que vai a por todas e non está pola labor pola ser segundo de abordo de Compostela Aberta. A política de vivenda, a fusión de concellos, a seguridade, os pisos turísticos e a mina de Touro son outros dos temas desta conversa.

Referendo para fusionar Santiago e Teo, propoñen os seus dous alcaldes
Aseguran que a realidade "social" non se corresponde coa "realidade administrativa" da zona
Agustín Hernández será o candidato á alcaldía de Santiago polo Partido Popular

Proponse articular un programa que "ilusione" e unha candidatura na que "se vexa reflectida" a cidadanía de Santiago

Rey Varela é o único que quere ser presidente do PP de Ferrol

O congreso que lle permitirá revalidar a súa posición será o 22 de setembro logrando presentar 222 avais

Xabier Pérez Igrexas será candidato á alcaldía de Vigo polo BNG

O obxectivo do BNG, segundo afirmou Igrexas, é recuperar a presenza do partido no concello, que perdeu nas últimas municipais aos seus concelleiros

Elena Muñoz apoiada pola Xunta local para ser candidata á alcaldía de Vigo polo PP

A portavoz do grupo municipal e presidenta do PP de Vigo, Elena Muñoz, reafirmou este martes o seu "compromiso cos vigueses", tras ser apoiada pola Xunta Local do seu partido



Vázquez Abad repetirá como candidato polo PP nas municipais de 2019

Destacou que prefire ver "antes de alcalde" ao portavoz de Ourense en Común, Vázquez Mato, que ao líder da oposición, Pérez Jácome

Noriega desvelará o seu futuro no concello de Santiago a última semana de setembro

A súa decisión persoal está "máis ou menos perfilada", pero incidiu en que "está orientada a toda esa interlocución" co seu grupo de goberno e o seu espazo político

O BNG prepárase para as municipais: peche de listas en setembro e igualdade como obxectivo

O partido afronta con "optimismo e confianza" o dobre proceso electoral de 2019

Jorge Suárez repite como candidato de Ferrol en Común para as municipais de 2019
O rexedor ferrolán, Jorge Suárez, confirmou a súa intención de repetir como candidato de Ferrol en Común nas eleccións locais do próximo ano. "Hoxe decido dar un paso adiante cara ao 2019 co proxecto de Ferrol en Común", declarou.
O BNG prepárase para as municipais e fixa como obxectivo desaloxar ao PP da Xunta

A nacionalista considera que os concellos gobernados polo BNG son "referentes de honradez, de políticas de benestar, de calidade de vida, de denfensa do idioma, de rexeneración urbana e de dinamismo económico e social" 

Os gobernos de esquerdas resistirían en case todas as cidades


Caballero e Lores teñen outra reeleción no peto. A de Noriega e Ferreiro está ao alcance da man, mentres que Méndez e Vázquez terían que volver facer equilibrios para repetir na alcaldía. Ferrol sería a única urbe onde o PP ten próxima a reconquista, pero lograríaa no seu caso grazas a Cidadáns. Son datos dunha enquisa coñecida este fin de semana que reflicte a incapacidade dos conservadores de desgastar significativamente aos executivos de PSdeG, mareas e Bloque.

O PPdeG está "preparado" para presentar "xa" aos seus candidatos para as municipais de 2019

'Baróns' do partido destacan "o plus" que dá o dirixente dos Peares, ao que ven "en Galicia" a pesar do seu crecente peso nas quinielas para suceder a Rajoy.


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress