Vázquez Abad repetirá como candidato polo PP nas municipais de 2019

|

Jesús Vázquez Abad no pleno este venres 7 de setembro


O alcalde de Ourense, Jesús Vázquez Abad, asegurou no transcurso do pleno ordinario deste venres que será o candidato do Partido Popular nas próximas eleccións municipais, previstas para maio de 2019.

O rexedor comunicou a súa decisión de liderar a formación popular na urbe galega nos comicios seguintes en resposta ás alusións que o portavoz de Democracia Ourensá, Gonzalo Pérez Jácome, realizou a Vázquez Abad.

"Non se vai a facer un parque acuático en Monterrei e si en Ourense cando sexa alcalde dentro de oito meses. A este señor -por Vázquez Abad- non se se volverá para a universidade ou que futuro van buscar, porque o PP xa non o pode mandar a unha embaixada, tense quequedar na universidade para desgraza dos alumnos", recriminoulle Jácome ao alcalde.

O máximo representante municipal, en contestación, avanzou que continuará á fronte do Partido Popular no Concello de Ourense e aseguroulle a Pérez Jácome que ve antes de alcalde ao líder de Ourense en Común que a el.

"Por desgraza para vostede, vai ter que aguantar outros catro anos e oito meses máis de alcalde; polas faltas de respecto cara ao pleno e os cidadáns, vexo antes de alcalde ao señor Vázquez Mato -portavoz de Ourense en Común- que a vostede, que está todo o plenoinsultando e pensa que isto é a súa televisión privada".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress