O TC admite o recurso de En Marea contra a reforma do Consello Consultivo
Villares asegura que a lei de acompañamento dos orzamentos faculta a Pillado para "poñer e quitar profesionais a dedo".
O Tribunal Constitucional (TC) admitiu a trámite o recurso presentado por En Marea en relación á reforma lexislativa que, segundo o portavoz do grupo rupturista, Luís Villares, "fere de morte" a "independencia" do Consello Consultivo.
E é que, como sostivo Villares en rolda de prensa este martes, en virtude desta modificación suprímese o corpo de letrados deste órgano e facúltase ao seu presidente, José Luis Costa Pillado, para "poñer e quitar a dedo" a profesionais de calquera administración do Estado.
Deste xeito, ao seu xuízo, estes técnicos pasan de poder emitir os seus informes con "independencia" a converterse "nun grupo de palmeiros".
Escribe o teu comentario