Adif rehabilitará a cuberta histórica da estación da Coruña


|

Adif aprobou a adxudicación da rehabilitación integral da cuberta histórica da estación da Coruña por importe de 1.220.496,8 euros (IVE incluído). Segundo informa Adif, o obxectivo desta actuación "é mellorar as prestacións da cuberta e garantir a súa óptima conservación, facilitando a súa posterior integración na futura estación intermodal da capital coruñesa".


A execución da nova cuberta, que foi adxudicada a Contratas Vilor e conta cun prazo de 12 meses para a súa conclusión, efectuarase, segundo explica Adif, "segundo a solución que se expón no proxecto de maior alcance para a futura estación intermodal da Coruña".


As obras obxecto deste contrato inclúen, en primeiro termo, o desmantelamento do material da cuberta na súa totalidade, o desmonte dos elementos da estrutura inservibles ou deteriorados, a eliminación de pinturas e óxidos estruturais, e a instalación dun novo sistema de recollida de pluviais para mellorar a estanqueidade da estrutura.


Así mesmo, está previsto acometer a reforma, modernización e reparación do sistema estrutural da cuberta. Neste capítulo está previsto substituír as correas da cuberta (elementos que forman parte da armadura que sostén a cuberta); retirar e reparar as partes afectadas pola corrosión; reformar, substituír e reforzar outros elementos da estrutura, como cartelas, unións e parafusos; e revisar, reforzar e protexer os empotramentos dos piares nos cimentos.


Finalmente, aplicarase nova pintura protectora sobre as superficies metálicas e instalarase a nova cuberta, formada por un conxunto de paneis multicapa de aceiro con illamento térmico intermedio, alternando zonas opacas con outras translúcidas.


De forma complementaria, levarase a cabo a instalación de dispositivos de seguridade permanentes para facilitar a realización de futuras operacións de mantemento, así como unha nova iluminación.


relacionada Adif mantén a venda de billetes en todas as estacións, "como ata agora"
relacionada Un millón de viaxeiros subiron na liña Galicia-Madrid no último ano

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE