Sergas

A Consellería de Sanidade contratou a 60 profesionais para o Servizo Galego de Saúde (SERGAS) e destina sobre 1,7 millóns de euros para a compra de material no marco do dispositivo habilitado fronte á presenza de coronavirus. Galicia, de momento, non rexistrou positivos a esta enfermidade de entre os 115 casos detectados en España.

A Federación de Sanidade de CCOO de Galicia vén de denunciar o "uso fraudulento" de servizos da concesionaria de mantemento no canto de recorrer ás listaxes de emprego público, unha práctica que considera "especialmente vergoñosa", tendo en conta que teñen lugar ao mesmo tempo que a administración galega "oferta a posibilidade de formar parte das listaxes de contratación eventual, despois de pagar as preceptivas taxas, como no resto de categorías profesionais do ámbito sanitario".

Galicia non rexistrou por agora ningún positivo de coronavirus. Con todo, o 061 xa contratou a máis operadoras e enfermeiros para atender o aumento de chamadas, segundo confirman fontes oficiais a Galiciapress.

Mentres continúa a escalada de casos en España, cun paciente grave en Madrid -un home de 77 anos ingresado na UCI que presenta outras patoloxías previas-, no Sistema Galego de Saúde prepáranse para acoller futuros pacientes despois de descartar todos os casos analizados no día de onte, á vez que advirten que o uso de máscaras "non serve para nada" en persoas asintomáticas.

Jesús Vázquez Almuíña chamou hoxe á calma ante os sucesivos casos de coronavirus noutras partes de España, que son nove xa en todo o Estado, ao confirmar Cataluña un segundo caso. O conselleiro de Sanidade destaca que os casos detectados en España  por agora son importados desde o norte de Italia. Ante isto, o conselleiro lembrou que se desaconsella viaxar alí.

Segundo indican fontes da organización a Galiciapress, escolleuse este ano a vila ourensá por, entre outros factores, o destacado papel das mulleres verinesas nas protestas que obrigaron ao SERGAS para rectificar e reabrir o paritorio público.Unha das protestas contra o peche do paritorio de Verín Ademais, argumentan que este ano se quere facer énfase no papel das galegas como coidadoras de persoas maiores ou dependentes, un labor que asumen en moitos casos con pouco ou nulo apoio e  sen recoñecemento social e público.

Hoxe a Fundación Pública Urxencias Sanitarias de Galicia-061 , responsable do tranporte sanitario urxente, sae ao paso destas manifestacións.A Fundación Pública Urxencias Sanitarias de Galicia-061 asegura que "todas as ambulancias pertencentes á Rede de transporte sanitario urxente do servizo público galego de emerxencias sanitarias, cumpren estritamente coa normativa vixente en canto á dotación do persoal e a formación necesaria".A Xunta insiste que as ambulancias cumpren tamén a nivel de equipamento, algo que tamén cuestionou a CIG. "Todas as ambulancias que prestan servizo para a Fundación Pública Urxencias Sanitarias de Galicia-061, ademais das da Rede de transporte sanitario urxente están dotadas dun desfibrilador externo semiautomático e o seu persoal ten a formación e a titulación esixida no citado anexo", explican desde a Administración .

A Asociación lémbralle á valedora que un ancián morreu o 30 de xaneiro en urxencias tras pasar máis dunha hora nunha padiola nun corredor, suceso que está a investigar tamén a Fiscalía. O SERGAS sempre defendeu que as imaxes de corredores con longas colas de enfermos esperando en padiolas e cadeiras de roda non poden servir para cualificar o funcionamento xeral do servizo de urxencias do CHUS. Razoa tamén que todos os que acoden son clasificados segundo a súa gravidade aos poucos minutos de chegar ao CHUS, no triaje.  A Xunta, que contratou máis persoal para a época de gripe, defende o bo funcionamento das urxencias, das que publica datos día a día. 

A Xunta anuncia hoxe máis recursos humanos e materiais para o Centro de Orientación Familiar (COF).O Centro Médico de Fontiñas nunha imaxe de Google Street ViewAsí, a Xerencia da área Sanitaria de Santiago comunica que asignará unha enfermeira especialista en saúde obstetrico-xinecolóxica.

O SERGAS, segundo o sindicato de enfermería, planea cortar o servizo do Centro de Orientación Familiar (COF) no centro de Fontiñas, despois de que no concurso de traslados aberto ofértase “unha praza de matrona en Fontiñas, que en realidade despois esta para asumir o traballo do COF”. 

A morte dun paciente nas Urxencias do hospital de Santiago chega aos tribunais. A representante sindical do sindicato de médicos Ou'MEGA denunciouno onte ante a Fiscalía e indica que "abren dilixencias penais de investigación".