Coronavirus: o positivo da Coruña está grave e dez sanitarios enviados ás súas casas para illarse
O home de 49 anos de idade que deu positivo por coronavirus no Complexo Hospitalario Universitario A Coruña (Chuac), o primeiro en Galicia, permanece hospitalizado "estable dentro da gravidade".
O paciente chegou a urxencias á 1 da tarde do luns e a Xunta non informou oficialmente o positivo ata as 16:30 do mércores. Os sanitarios que o trataron forn enviados a casa pero non se lles fixo a proba de coronavirus pois estaban asintomáticos.
Ambulancias no CHUAC nunha foto de CRTVG
Así o confirmaron este xoves a Europa Press fontes da Consellería de Sanidade, que concretaron que o home se atopa en unha planta de hospitalización convencional.
Este paciente foi atendido este luns no servizo de Urxencias do Chuac, onde se activou na tarde dese día o protocolo para coronavirus. No marco do mesmo, sobre unha decena de traballadores foron enviados a illamento aos seus domicilios como medida preventiva.
ACUDIU A URXENCIAS O LUNS E ATA O MÉRCORES NON SE CONFIRMOU O POSITIVO
O paciente, residente en Madrid, chegou a Galicia nun coche compartido para unha entrevista de traballo. O luns, dada a súa sintomatoloxía, acudiu ao servizo de Urxencias do Hospital A Coruña ao redor das 13,00 horas.Este paciente foi diagnosticado dunha pneumonía de orixe descoñecida, unha patoloxía ante a que o último protocolo acordado co Ministerio de Sanidade recomenda facer as probas para coronavirus.
Con iso, de forma preventiva, activouse na tarde do luns o protocolo de sospeita do COVID-19 e tomáronse as medidas de protección a profesionais e pacientes que estiveron en contacto con el en Urxencias.
Nun primeiro momento,as probas practicadas na Coruña non foron concluíntes, e remitíronse este martes ao Centro Nacional de Microbiología en Madrid para a súa análise, onde confirmaron o positivo a coronavirus.
Escribe o teu comentario