Coronavirus: "Preocupación" entre os operarios do SERGAS en Vigo, Cangas e Moaña polo positivo que pasou 6 días con síntomas e sen illar

"Hai preocupación e incerteza porque imos por detrás da situación", laméntase o doutor Manuel Moreiras. El é un dos representantes da CIG en o Comité de Persoal do Hospital Álvaro Cunqueiro do SERGAS (HAC), epicentro da crise do coronavirus en Galicia.

Nas súas habitacións están illados o segundo e o terceiro paciente confirmados, unha parella. O problema é que o marido pasou tres días con coronavirus sen illar, compartindo habitación con outros enfermos e en contacto con ducias de sanitarios sen protección.

PAC de Moaña, onde acudiu o cidadán o 27 de febreiro con dor abdominal

Fallaron os protocolos, dado que este home tivo o seu primeiro contacto co Centro de Saúde do Morrazo a semana pasada, acudiu a urxencias dúas veces a fin de semana e ao final diagnosticáronlle pneumonía o luns, pero non lle fixeron a proba do coronavirus ata o mércores e non se confirmou o seu caso ata a noite do xoves?

INFORMACIÓN FRAGMENTADA

O representante sindical admite que "non se se cumpriron os protocolos" porque "só temos información fragmentada a través dos medios de comunicación". 

E esa é, precisamente, unha das súas demandas ao SERGAS. Máis transparencia, máis axilidade en comunicar oficialmente a información polo menos polo menos á "contorna profesional". É dicir, que os sanitarios que teñan que tratar cos pacientes saiban en todo momento que risco están a asumir.

ATA O DE AGORA A PRENSA GALEGA INFORMOU ANTES QUE O GOBERNO

O certo é que o fluxo da información en Galicia sobre o coronavirus foi peculiar. Ao coñecerse os primeiros positivos no hospital, a noticia acábase filtrando á prensa local pero o SERGAS nin confirma nin desmente ata que chega o contranálisis de Madrid, ás veces días despois, a pesar de que as análises que se fan nos hospitais galegos son fiables na gran maioría dos casos. 

O resultado é que os traballadores dos hospitais, os que están na primeira liña da fronte, pasan horas e mesmo días traballando con información incompleta, non oficial, fragmentada, o que facilita a rumorología.

A Xunta parece que rectificou este venres. Acaba de mandar un comunicado informando que enviou a Madrid as probas realizadas ao fillo do matrimonio, o que apunta a un probable terceiro caso positivo en Vigo, cando ata hoxe nunca informaba sen ter antes a resposta do Ministerio.

Moreira esixe "transaparencia e información áxil". Iso si, a este médico de familia preocúpalle tamén que se respecte o dereito á intimidade dos pacientes. Algúns viron como os detalles das súas doenzas filtráronse á prensa antes de que o SERGAS emitise comunicado algún sobre os seus casos. 

CUANTOS SANITARIOS DE VIGO SERÁN ILLADOS?

O representante sindical informa que a EOXI de Vigo está a organizar reunións entre os especialistas de medicina preventiva e os traballadores dos centros polos que pasou o positivo sen diagnosticar, o HAC e un Centro de Saúde. Entre outras cousas, o que valoran é a "necesidade de illamento ou non".

Sumando a decena de sanitarios que xa están illados na Coruña polo positivo do CHUAC aos moitos sanitarios do HAC de Vigo que agora poden ser postos en aislamientou dado que o paciente pasou días con coronavirus sen illar, enfróntase Galicia a unha potencial falta de persoal no SERGAS?

"Non estamos libres de que algo así poida pasar aquí", recoñece Moreira, en alusión aos problemas deste tipo xa identificados no País Vasco. De feito, cre que é un dos riscos máis importantes na actual fase de contención. Por agora sábese que unha doutora e un enfermo do PAC de Moaña  e de Cangas xa están en corentena, informa Faro

POÑER MÁSCARA A TODOS OS PACIENTES QUE TOSAN

Para limitar o risco de contaxio, o galeno lembra que o "protocolo estándar de contaminación con pingas deberiamos facelo con todos vos pacientes con tose, deberíaselles poñer unha máscara cirúrxica, porque evita a expansión das pingas". O doutor lembra que este protocolo non é novo, que existe para abordar cuestións como a gripe, pero recoñece unha evidencia, que "non sempre" se aplica nas instalacións do SERGAS.

Moreira conclúe que "estamos nunha situación complicada", non polos casos evidentes que poidan alertar ao 061 por teléfono, pero sobre todo por mor de perfís como o do home de Vigo. Pacientes que non teñen síntomas evidentes de coronavirus e que acoden ao seu médico de familia ou a urxencias con sintomatoloxía que tampouco leva aos doutores para alertar inmediatamente dun posible caso de COVID-19, ao declarar o enfermo que non estivo en ningunha zona das consideradas de risco, nin ter contacto con alguén cun positivo coñecido. 

"Somos conscientes de que asumimos un risco superior ao dos demais, pero temos dereito a asumilo con todos os medios, non só polo ben noso senón polo ben da sociedade porque despois pode pasar que entre un paciente cun infarto e non haxa suficiente persoal para atendelo ao momento"

Por esa fenda do sistema coouse o home de Vigo, cuxos primeiros síntomas foron dor abdominal. O seu primeiro contacto coa rede do SERGAS foi o 27 de febreiro e non puxeron en illamento ata o  5 de marzo. Agora o seu caso puxo en albas a boa parte da comunidade sanitaria do maior hospital de Galicia e  dos centros de saúde do Morrazo.

Moreira insiste na profesionalidade dos operarios do SERGAS pero ao mesmo tempo reclama máis medios e información. "Somos conscientes de que asumimos un risco superior ao dos demais, pero temos dereito a asumilo con todos os medios, non só polo ben noso senón polo ben da sociedade porque despois pode pasar que entre un paciente cun infarto e non haxa suficiente persoal para atendelo ao momento".