Os alcaldes con dedicación exclusiva, como é o caso do líder de Democracia Ourensá, poden cobrar do Concello e tamén ter actividades privadas, pero estas deben ser marxinais e contar con visto e prace do pleno. Non sucede así no caso do alcalde de Ourense, que leva anos cobrando de múltiples fontes sen permiso, algo que a Fiscalía ve irregular, polo que remite o asunto ao Tribunal de Contas, aínda que non ve indicios para abrir un procedemento penal.