O Celta Femxa Zorka non cede ante un Canoe combativo

As viguesas suman a súa decimonovena vitoria consecutiva (59-50) tras un partido gris que só rompeu nun terceiro cuarto marcado pola disparidade das faltas persoais.

O Celta Femxa Zorka continúa coa súa serie triunfal. O equipo vigués sumou onte o seu decimonovena vitoria consecutiva da tempada, mantendo a presión asfixiante sobre un Azulmarino que non falla (onte venceu por 82 puntos ao pechacancelas SantFeliuenc, 61-143). Con todo, o triunfo ante o Sernova Renovables Real Canoe estivo marcado polo ritmo frenético e a polémica arbitral.

Un arranque de tolemia e desaxustes

O primeiro cuarto foi unha auténtica montaña rusa. Cun ritmo altísimo e até vinte e cinco accións de canastra, o Celta non lograba atopar cómodo sobre o parqué de Navia. O Canoe, ben plantado en defensa, forzaba os erros locais e lograba anular a unha Kelliher moi vixiada. Sen finura na retagarda celeste, o intercambio de golpes foi constante, pechar o período con vantaxe visitante: 24-27.

Aos problemas deportivos sumouse o desconcerto ante o criterio arbitral. Nun duelo entre o segundo e o penúltimo, o primeiro tempo terminou cun balance de oito faltas sinaladas ao Celta por só tres ao Canoe, un dato que acendeu os ánimos no banco vigués.

Resistencia ao descanso

A tónica non variou en exceso durante o segundo cuarto. A falta de acerto de Kelliher baixo o aro impediu que as viguesas tomasen o mando con claridade. A pesar de todo, o Celta Femxa Zorka logrou minimizar danos e marchar a vestiarios cunha desvantaxe mínima dun só punto: 39-40.

O paso por vestiarios e o inicio do terceiro cuarto mantiveron o guion de igualdade máxima e defensa ao límite do Canoe. Foi entón cando chegou o punto de inflexión: unha técnica sinalada ao banco celeste polas protestas ante a arbitraxe.

Paradoxalmente, ese castigo equilibrou a balanza. A partir dese momento, o criterio nos persoais igualouse (10-8) e o Celta puido subir a intensidade defensiva sen ser castigado constantemente. Este cambio de atmosfera permitiu ás de Cristina Cantero romper o partido, pechando o cuarto cunha renda de nove puntos que ao cabo sería definitiva: 59-50.