Liño Costas e Alba Torreiro pugnan polo temón de Esquerda Unida nunha asemblea crave para Sumar

Esquerda Unida (EU) prepárase para un cambio. O próximo mes de abril, a organización celebrará a súa XIV Asemblea Nacional, onde se elixirá a un novo coordinador nacional despois de que Eva Solla, orixinaria de Vigo, conclúa o seu mandato de oito anos, o máximo permitido polos estatutos do partido.

A pesar de estar fóra do Parlamento de Galicia e de case todos os concellos grandes, EU xoga un papel significaitvo na esquerda galega. O éxito de Sumar en Galicia nas últimas xerais permitiu que algúns cadros próximos a Yolanda Díaz, outrora líder de EU, teñan postos destacados na Administración estatal. 

No proceso interno para renovar a Coordinadora Nacional, presentáronse dúas candidaturas que reflicten diferentes visións para o futuro da organización:

1. "Esquerda Unida cara ao socialismo", encabezada por Liño A. Costas, traballador do metal de Ponteareas, cuxa candidatura se pode encadrar como a máis próxima ao Partido Comunista de Galicia (#PCG).
2. "Máis necesarias que nunca", liderada pola enxeñeira técnica do sector da automoción de Vigo Alba Torreiro,  cuxa lista se pode interpretar como máis próxima ao proxecto Sumar que lidera a ferrolá Yolanda Díaz, aínda que tamén inclúe militantes do PCG, formación na que xa non milita a actual  vicepresidenta do Goberno de España.

A candidatura de Liño A. Costas inclúe a Eva Solla, ex deputada e coordinadora nacional saínte, así como a Jorge Grego, secretario nacional do PCG. Este grupo fai fincapé na necesidade de enfrontar derívaa reaccionaria da sociedade, que segundo eles non provén unicamente da dereita e ultradereita, senón tamén de supostas forzas progresistas.  Insisten na "urxente necesidade de fortalecemento da esquerda" e, no plano institucional, buscan reafirmar a EU-#EU como opcións electorais con propostas propias e autonomía de decisión.

A lista de Torreiro destaca por incluír figuras prominentes como María Rozas, primeira tenente de alcaldesa de Santiago de Compostela, e Rubén Pérez Correa, secretario de Estado do Ministerio de Mocidade e Infancia. Esta candidatura avoga por fortalecer o municipalismo de EU e reclamar o seu espazo na esquerda galega. Tamén participa Juan Fajardo, ex-deputado de AGE e 

Os integrantes desta proposta sinalan que a organización atravesa un momento complicado, cunha desconexión entre a dirección e as bases, e unha significativa perda de militancia. O seu obxectivo é reactivar EU e respectar a pluralidade dentro da formación.