Os datos da covid-19 divulgados hoxe non son tan malos como os de onte e axudan a que os índices semanais case non crezan, como a incidencia acumulada, ou mesmo baixen un pouquiño, como a taxa de positividade. Con todo, os casos abertos comunicados volven superar os 2.000. Parece que nos estabilizamos en torno desa cifra, que superamos en oito dos nove días anteriores. A alza de transmisión xa se nota na presión hospitalaria, aínda que de maneira paulatina. Galicia soporta 65 hospitalizados en planta máis que o venres pasado e 2 máis que onte.