Imos camiño de quedarnos sen médicos de familia se non se crea a especialidade de urxencias, advirte Feijóo

A Atención Primaria do SERGAS sigue sendo o elo máis débil do sistema debido, entre outros factores, aos recortes e á falta de médicos interesados en traballar nos saturados centros de saúde.

O presidente de Galicia insiste en que a solución pasa porque Moncloa lance un MIR extraordinario e regule  a especialidade de Medicina de Urxencias 

Arquivo - Feijóo visita as novas instalacións de urxencias do Hospital do Barbanza. 

O presidente da Xunta de Galicia, Alberto Núñez Feijóo, urxiu de novo ao Goberno central a creación da especialidade de Medicina de Urxencias co fin de "parar o fluxo de médicos de familia".

"Na Atención Primaria volvemos ter un problema enorme de atasco; non temos médicos de familia", manifestou no marco da súa intervención para presentar o proxecto de ampliación do Hospital Clínico Universitario de Santiago de Compostela.

MÉDICOS DE FAMILIA MIGRAN A URXENCIAS
Así, o mandatario autonómico considera "imposible" solucionar o déficit de médicos sen "un cambio substancial tanto en ampliación de MIR", ademais dun "esforzo docente" e a "creación de especialidades que impidan que os médicos de familia vaian ás urxencias hospitalarias deixando desabastecida a Atención Primaria".

A creación da especialidade de Urxencias neste momento, no século XXI, é unha discusión que me parece simplemente unha perda de tempo, porque é inevitable parar o fluxo de médicos de familia cara a urxencias

"Por tanto, a creación da especialidade de Urxencias neste momento, no século XXI, é unha discusión que me parece simplemente unha perda de tempo, porque é inevitable parar o fluxo de médicos de familia cara a urxencias porque senón, quedamos permanentemente sen médicos de familia en primaria", esgrimiu.

Neste sentido, Feijóo considera que "o que queira facer Urxencias, que se examine do MIR de Urxencias e o que queira traballar en Atención Primaria que pida unha praza de Medicina Familiar". "Senón, non imos conseguir solucionar os problemas", apostilou.

MIR EXTRAORDINARIO
Así mesmo, reiterou a necesidade de "un MIR extraordinario" porque "miles de persoas quedaron ás portas de entrar, pero por unha cuestión de décimas".

"Non podemos neste momento en España pensar que os problemas que temos imos solucionar cun conflito político; imos solucionar cunha solución técnica, non cunha discusión política", sentenciou o tamén presidente do PP.