Galicia non recuperará as listas de espera no SERGAS anteriores á Covid-19 ata 2023, admite a Xunta

A cuarta dose da vacina contra o coronavirus ou o avance das videoconsultas son algúns dos aspectos sobre os que departiu José Flores, xerente do SERGAS.

"Hai cousas que chegaron coa pandemia que se van a quedar", recoñeceu as propio Flores.

Foto: EP

O xerente do Servizo Galego de Saúde (Sergas), José Flores, apuntou a 2023 como horizonte para a recuperación das listas de espera cos tempos anteriores á pandemia de Covid-19.

Nunha entrevista concedida a Cadea Ser Galicia este domingo e recollida por Europa Press, Flores recoñeceu que grandes expertos sinalaron que farán falta dous anos para recuperar os niveis anteriores á pandemia --2019--.

Respecto a as listas de espera, o xerente concedeu que si houbo que realizar unha reprogramación de cirurxías e citas "necesaria porque a capacidade do sistema estaba moi estirada pola pandemia".

"Aprendemos moito a nivel organizativo", destacou Flores sobre a crise provocada polo coronavirus, onde se traballa "coa inseguridade de que igual o protocolo dun día non valía para o seguinte".

Neste tempo, comentou, desenvolvéronse novas formas de traballo, como a videoconsulta, e outras se practicaron aínda máis, como a consulta telefónica, "unha ferramenta que se implementou en 2013 pero que se potenciou para aumentar a seguridade". "Hai cousas que chegaron coa pandemia que se van a quedar", asegurou Flores.

O responsable do Sergas tamén comentou a eliminación das máscaras en interiores, que entra en vigor esta semana; unha medida "esperada" pero que hai que tomar con "precaución". "Aquí vimos experimentando un comportamento exemplar por parte dos galegos", defendeu Flores que, con todo, recalcou o comportamento "impredicible" do virus. "Non se pode descartar nada", dixo.

José Flores tamén se mostrou cauto ante unha posible aplicación da cuarta dose da vacina contra a Covid. En caso de ser así, aposta porque sexa para maiores de 60 e diferente ás administradas ata o de agora.

Por último, defendeu que en Galicia sanidade privada e pública "van da man", aínda que incidiu no aumento de orzamento para a atención primaria da pública. Ademais, apuntou que se estudará máis investimento nos próximos orzamentos e que hai problemas que son "estruturais" como a falta de profesionais.