A película 'Sirat', dirixida polo cineasta galego Oliver Laxe, foi seleccionada pola Academia das Artes e as Ciencias Cinematográficas de España como a candidata oficial que representará ao noso país na categoría de Mellor Película Internacional nos premios Óscar de Hollywood, cuxa 98ª edición celebrarase en 2026. O anuncio realizouse este mércores na sede da Academia por parte do director Pablo Berger, quen deu a coñecer a decisión final dos académicos tras un proceso de votación no que tamén competían 'Xorda', de Eva Libertad, e 'Romaría', de Carla Simón.