O Palacio de Congresos e Exposicións de Galicia presenta a súa rica axenda cultural que vai de Harry Potter a ABBA

A partir de leste mesmo mes de novembro e até ben entrada a primavera de 2026, o ritmo non vai parar no Palacio de Congresos e Exposicións de Galicia, que se enfocou para preparar unha axenda cultural á altura das esixencias da capital de Galicia nunha nova etapa deste recinto, que se abre ao público para ser un punto de encontro para distintos artistas, espectáculos e xeracións. A espectativa do Grupo Hotusa, á fronte da confección desta axenda cultural, é abordar este novo terreo tendo en conta que esta instalación é xa unha referencia para a celebración de congresos, feiras e encontros profesionais no noroeste peninsular. 

DE NOVEMBRO A ABRIL

Con datas para todos os públicos, o Palacio de Congresos eríxese como "un espazo vivo e participativo,  capaz de albergar propostas musicais, teatrais e escénicas de primeiro nivel, e de converter nun motor de dinamización turística e cultural para Santiago e para toda Galicia". Así o referiron os organizadores no almorzo informativo celebrado esta mañá, onde descubriron a programación que arrinca o próximo 16 de novembro e que se estende até o 19 de abril de 2026. 

A primeira cita será un espectáculo familiar: Harry Potter on Ice. Unha forma distinta de visitar Hogwarts e o mundo máxico creado por J.K. Rowling. Será a primeira pedra dunha serie de shows que transitarán desde o concerto dos Gipsy Kings até a actuación de 'ABBA The Experience', admeás do concerto de Ano Novo de Johan Strauss, O Cascanueces ou o concerto da soprano Ahinoa Arteta, unha das figuras máis importantes do mundo da ópera, o próximo 4 de xaneiro.

E é que para 2026 a programación vén cargada, desde a actuación do Tchaikovsky National Ballet, que interpretará 'O lago dos cisnes' o próximo 13 de xaneiro, até citas pensadas para os amantes dos videoxogos, o anime ou o K-Pop. Ademais, o Palacio de Congresos contará con concertos únicos como o de James Rhodes ou o de Víctor Manuel, así como as notas de humor que porán as 'Mentes Perigosas' de Eva Hache, Galder Varas, José Juan Vaquero e Touriñán.
 

"A nova programación combina grandes producións internacionais con espectáculos familiares e  clásicos, ofrecendo unha proposta cultural variada pensada para todos os públicos e especialmente  atractiva durante os meses de inverno, cando a oferta cultural na cidade é máis limitada", debullan desde a organización, que pretende consolidar na cidade con "unha programación ampla, sostible e aberta a novas iniciativas". 

As entradas para os espectáculos xa están á venda na web oficial e a programación pode consultar detalladamente ao final desta información.