Todo a punto para o lanzamento de 'Carracho', a posta de longo da banda Tona

Todos nas súas marcas e cos cascos postos para escoitar o novo que nos ten preparado Miguer Cernadas. Cantante e guitarrista, ex dunha banda mítica como Terbutalina, encabeza agora a proposta que lanza Tona, unha banda que promete dar moito que falar na escena galega e que prepara a súa EP debut.

DATA PARA O seu DIRECTO

'Carracho' é o primeiro avance desta emerxente banda que di compor "para bailar e deixar levar". Co selo do vocalista de Muros, Tona cortará así a cinta inaugural desta nova etapa dos que se definen como "descendentes de piratas e contrabandistas". 

"É a música que soaría na aldea muradá de Ventín", descifran sobre este adianto que estará moi pronto dispoñible en plataformas e que mañá mesmo verá a luz na canle de YouTube de Tona, onde xa se poden gozar outras propostas como 'Ou Maio', 'Ou Casal' ou 'Rhumba95'. 

Tampouco haberá que esperar moito para descubrir que nos teñen preparados o xa citado Miguel Cernadas xunto a Tomás Ageitos na batería e a composición, Andrés Real ao baixo, Robero Comesaña co acordeón, Gutier Ávarez a cargo do violinofón. Será na Foliada dá Fonsagrada onde poderemos gozar do seu directo xunto a Víctor Álvarez, coautor, arreglista e e técnico de son, que os acompañará nesta viaxe sonora.