As novas rutas de autobuses aínda necesitan "axustes puntuais"

|

Autobus


A conselleira de Infraestruturas e Vivenda da Xunta de Galicia, Ethel Vázquez, afirmou que "todas" as rutas do Plan de Transporte están "en marcha", aínda que precisou que se están realizando "axustes puntuais".


Así o manifestou, a preguntas dos medios, tras comparecer despois dunha reunión con asociacións veciñais de Navia en Vigo. A conselleira confirmou, ademais, que este martes poñeranse en funcionamento dúas novas liñas no Morrazo: unha circular e outra entre Moaña e Cangas.


Ethel Vázquez incidiu en que este plan se puxo en marcha "porque Galicia quedaba sen transporte" tras materializarse as renuncias que farían desaparecer 600 liñas.


"Agora estamos a facer axustes puntuais", precisou, en alusión a casos como o de Trives, onde se produciu un "erro material" que se emendou cunha chamada de teléfono.


Segundo lembrou a conselleira de Infraestruturas, o Plan de Transporte contempla case 800 novas rutas, e outras comunidades implantaron modelos similares.


Así mesmo, tamén incidiu en que, a partir do 11 de setembro, empezarán a funcionar as rutas compartidas co transporte escolar, nas que a atención aos nenos "será sempre prioritaria" e para o que se aumentará nun 60 por cento o número de 'acompañantes' dos menores.

relacionada Arriva acredita que unha concesionaria está obrigada a subrogar a 15 empregados
relacionada O "caos" dos autobuses empeorará "co comezo do curso" escolar

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress