Pepe Mel confirma que seguirá no banco do Dépor a próxima tempada

|

PepemelPepe Mel, nun adestramento. //Fonte: RC Deportivo

O Dépor baixa o pano da liga este sábado en Riazor, xa sen apuros, salvado, pero coa responsabilidade de despedirse cunha mellor imaxe da mostrada nos últimos partidos. Un sector da afección, os Riazor Blues, xa anunciou que deixará o estadio no minuto 30 para mostrar o seu desencanto.


Pepe Mel asume como lóxico o desplante, unha vez que o equipo se asegurou outra campaña máis na máxima categoría. "Entendo á afección, sabemos que estamos en débeda con eles", recoñeceu. A pesar das críticas, o adestrador herculino considera que a afección do Deportivo "demostrou que é agradecida co mínimo", que é o que o equipo deu.


Nesta liña, o míster adiantou que continuará á fronte do banco a próxima campaña. "Non vin aquí para estar dous meses e medio", declarou. Aínda que non se reuniu con xeito Fernández, Pepe Mel considera o obxectivo da permanencia cumprido, requisito indispensable para seguir.


Con quen si se reuniu Pepe Mel é con Richard Barral, para confeccionar o novo cadro de xogadores. E aínda que explicou que non falaron aínda de nomes, considera que "non se poden asinar todos os anos 12 ou 13 futbolistas, iso indica que algo falla".


O adestrador confirma a súa continuidade xusto 17 anos despois de que o Dépor se proclamase campión de Liga, unha data histórica que o deportivismo lembra cada fin de semana. "¿Cómo me voy a olvidar...?".



relacionada O Dépor ata a permanencia cun empate ante o Vilarreal
relacionada Pepe Mel: "O equipo corre moito, pero corre mal"
relacionada Pepe Mel: "A miña obsesión é que todos os futbolistas pensen que o adestrador conta con eles"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress