Toda a costa galega continúa en risco "extremo"

A frota permanece amarrada e os colexios de toda a comunidade suspenden as actividades no exterior polo vento.


|

Alertatemporallitoralcostamar


A frota galega permanece amarrada a porto de novo este venres debido ao temporal que mantén todo o litoral de Galicia en risco extremo por forte ondada. Así o confirmaron a Europa Press fontes de confrarías e lonxas das provincias da Coruña, Pontevedra e Lugo que precisaron que, nalgún casos, levan amarrados os barcos varios días polo mal estado do mar.


En concreto, en puntos da costa coruñesa como Ares a frota leva amarrada toda a semana; e en zonas do litoral pontevedrés como Baiona os barcos permanecen en porto desde o xoves e na Guarda toda unha semana, segundo comentaron as mesmas fontes.


Tamén na provincia de Lugo a frota quedou de novo, como na xornada do xoves, sen faenar en zonas como Burela e Celeiro debido ao temporal no mar.


De feito, o risco por fenómenos costeiros será "extremo" (vermello) este venres en todo o litoral galego, onde se espera mar combinado de forza 8, ocasionalmente 9 a 10 durante a madrugada, o que significa ondas de 10 metros de altura e ventos de ata 140 quilómetros por hora.


O VENTO, O PRINCIPAL PERIGO


Unha borrasca pasará moi preto de Galicia este venres, traendo consigo unha situación meteorolóxica adversa na terra e no mar. Deste xeito, espéranse ceos moi nubrados ou cubertos, con choivas de intensidade moderada, localmente fortes, que poderán vir acompañadas de tormenta.


Segundo a información de Meteogalicia, os ventos soprarán do suroeste de fortes a moi fortes, especialmente no litoral e zonas altas. As temperaturas estarán sen cambios ou con lixeiros ascensos puntuais.


OS COLEXIOS, EN ALERTA


A Xunta estendeu a situación de alerta de nivel vermello polo temporal costeiro e a alerta laranxa por fortes ventos a este venres, cando se esperan refachos que poderían superar os 111 quilómetros por hora.


Ademais, a Consellería de Educación suspende as actividades no exterior dos centros educativos en todos os concellos a partir das 15.00 horas, pero mantén a actividade docente e o transporte escolar. A pesar diso, deixa en mans dos directores a adopción das medidas oportunas no caso de que as circunstancias meteorolóxicas supoñan un risco superior ao esperado na súa localidade.


O TRANSPORTE PÚBLICO, AFECTADO


As malas condicións climatolóxicas están a provocar, ademais, atrasos nos trens na comunidade. O servizo de atención de Renfe informa os pasaxeiros de que a estación poñerá á súa disposición autobuses ou opcións altrenativas de transporte, polo menos aos que se desprazan fóra de Galicia, mentres as condicións non permitan circular aos trens. 

relacionada O temporal obriga a desviar dous voos e cancelar outro con destino Vigo
relacionada O temporal ameaza con cancelar o Dépor-Betis en Riazor
relacionada O temporal deixa un regueiro de incidencias por toda a comunidade

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE