O temporal ameaza con cancelar o Dépor-Betis en Riazor

|

Riazorestadiolleno


A celebración do Dépor-Betis desta noite en Riazor está aínda no aire. O estadio de Riazor sufriu danos como consecuencia do temporal e espérase a entrada doutro, o que pode supoñer un perigo para a seguridade dos afeccionados.


Así o manifestou esta mañá Carlos García Touriñán, director de seguridade cidadá do Concello da Coruña en declaracións radiofónicas. "As decisións van tomadas non en como está agora a situación, que tampouco é que sexa unha situación grave, pero si que se aproxima un novo temporal e aí é onde hai que tomar medidas", anunciou.


Segundo Touriñán "os danos son nestes momentos na bancada de pabellón son bastante importantes. Non hai dano en canto á estrutura, pero si a uralita. E tamén algunhas cousas na bancada de marathon". Por iso, unha reunión de urxencia da directiva do Dépor baralla recolocar o público ou mesmo non celebrar o encontro.


"Están abertas todas as posibilidades. A decisión tomarase canto antes para dar cobertura tanto ao evento deportivo como aos afeccionados. As autoridades deportivas e o club tamén teñen moito que dicir neste asunto. Nós só podemos avaliar as medidas de seguridade e as nosas decisións irán tomadas sempre en garantir a seguridade de todas as persoas que se se celebra o partido poidan vir ao estadio de Riazor", manifestou o responsable de seguridade cidadá.


OUTRAS INCIDENCIAS NA CIDADE


Tras un día enteiro de incidencias, Carlos García Touriñán referiuse ademais aos preparativos da cidade para o que esperan: "é un momento de tranquilidade, pero estamos recompoñendo todo e preparando todos os medios porque se aproxima outro temporal".




relacionada Garitano: "A situación é delicada, canto antes o vexamos, antes sairemos"
relacionada Fede Cartabia asina co Dépor e vai cedido ao Sporting Braga

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress