Fede Cartabia asina co Dépor e vai cedido ao Sporting Braga
O arxentino regresará á Coruña en xuño, cando termine a tempada, para vestir a camiseta branquiazul as próximas cinco campañas.
Fede Cartabia comezará o próximo mes de xullo a súa segunda etapa no RC Deportivo, co que asinou polo que resta desta tempada, que xogará cedido no Sporting Braga, e cinco campañas máis.
Fede Cartabia deu os seus primeiros pasos no Sportivo Bombal Club da súa localidade local, pero en 2006, cando só tiña 13 anos, a súa vida deu un xiro radical. O exinternacional español Juan Antonio Pizzi descubriuno e tróuxoo a España, recalou nas categorías de fútbol base do Valencia.
No curso 2015-2016 recalou en préstamo no Dépor. Na Coruña despregou o seu mellor fútbol e sempre se mostrou encantado co Club e coa cidade. De branquiazul disputou 29 partidos, anotando 4 goles, o terceiro deles, fronte ao Málaga en Riazor (3-3), histórico para a entidade deportivista: foi o número 2.000 do equipo en Primeira División.
O pasado verán regresou ao Valencia, co que acabou rescindindo contrato despois de unicamente contar, e en escasas ocasións, para un dos tres técnicos que dirixiu o equipo valenciano no que vai tempada, Cesare Prandelli. Co italiano no banco de Mestalla, Cartabia participou en 3 encontros, 2 de Liga (entre eles a visita valencianista a Riazor, onde saltou ao céspede no minuto 74) e 1 de Copa do Rey.
Escribe o teu comentario