Convenio de seguridade privada encallado: patronal ofrece un 12% en catro anos, insuficiente para os sindicatos

A xornada de negociación, celebrada telemáticamente este xoves 31 de outubro, era esperada con expectación, xa que se trataba da quinta reunión da mesa e a primeira na que a representación empresarial presentaba unha proposta económica conxunta. Con todo, as posicións seguen moi afastadas. O convenio, que regula as condicións de miles de vixiantes en infraestruturas críticas, edificios públicos, hospitais e servizos de transporte en Galicia , é vital para un sector que os sindicatos consideran precarizado e necesitado de melloras substanciais que vaian máis aló do salario.

O debate de fondo, máis aló das porcentaxes, reside nas liñas vermellas de ambas as partes. Mentres os sindicatos esixen avances en xubilación anticipada e melloras nas condicións de saúde laboral, a patronal insiste en vincular calquera avance a medidas de "contención dos custos" da Incapacidade Temporal (I.T.) e a unha maior "flexibilidade" na xornada do sector de Transporte de Fondos, propostas que o banco social xa rexeitara en encontros anteriores.

Hai que ter en conta que o sector vive dificultades para atopar traballadores, dada aos magros salarios e á relativa baixa taxa de emprego agora en España. As empresas tamén necesitan un marco estable para poder presentar ofertas fiables nos grandes macroconcursos públicos que se aveciñan. Por iso os sindicatos están a negociar un convenio a pesar de que o presente non caduca pronto.

Unha proposta empresarial detallada

A proposta conxunta das patronais APROSER, ASECOPS e FES, presentada formalmente durante a reunión, establece unha vixencia de catro anos, desde 2027 até 2030. O incremento económico global ofrecido é do 12%, desglosado en subidas anuais do 3,5% para 2027, 3% para 2028, 2,75% para 2029 e 2,75% para 2030. Esta oferta inclúe o mantemento da actual cláusula de garantía salarial, que permite unha revisión parcial (equivalente ao 80%) se o IPC real supera as subidas pactadas ao final do período.

Ademais das cifras, a oferta patronal inclúe unha serie de actualizacións no texto do convenio, como a incorporación de linguaxe inclusiva, a revisión dalgunhas categorías profesionais para adaptalas á nova clasificación, a ordenación de permisos retribuidos e a regulación do contrato fixo descontinuo para adaptalo á lexislación vixente. 

Tamén se propuxo a creación de grupos de traballo para estudar a uniformidade específica feminina e a adaptación do plus de radioscopia no contexto da nova normativa europea de seguridade aeroportuaria (EDS).

No entanto, a patronal deixou algúns temas clave fóra desta proposta inicial como o plus de Transporte de Fondos. Esta omisión foi duramente criticada polos sindicatos, que consideran estes pluses materia prioritaria.

O representante de APROSER, ao abrir a sesión, deixou constancia de que a parte empresarial seguirá buscando "fórmulas alternativas" para as súas demandas sobre a I.T. e a flexibilidade no Transporte de Fondos, e advertiu que volverán presentar propostas sobre estes temas na próxima reunión.

O rexeitamento "insuficiente" de FeSMC-#UXT

A resposta de FeSMC-#UXT, un dos sindicatos con máis peso, foi inmediata e contundente. Segundo consta na acta da reunión, o sindicato valorou o esforzo de presentar unha proposta conxunta, pero cualificou a oferta económica do 12% como "manifestamente insuficiente". 

Nunha valoración posterior,  FeSMC-#UXT reafirmou que a formulación empresarial resulta "claramente insuficiente" para as máis de 90.000 persoas traballadoras do sector.

#UXT: "o absentismo non se combate con recortes nin coa redución de complementos por incapacidade temporal, senón mellorando as condicións de emprego, a estabilidade e a saúde laboral do colectivo"

O sindicato aproveitou para responder as intencións da patronal de recortar as prestacións por baixa laboral. UXT subliña que "o absentismo non se combate con recortes nin coa redución de complementos por incapacidade temporal, senón mellorando as condicións de emprego, a estabilidade e a saúde laboral do colectivo". 

Esta é unha das principais liñas de fricción, xa que a patronal busca reducir o que considera un custo excesivo, mentres os sindicatos o ven como unha consecuencia das malas condicións de traballo.

FeSMC-#UXT tamén rexeitou "de pleno" que o debate sobre a flexibilidade no transporte de fondos, un sector con xornadas maratonianas, "poida usar como argumento para frear avances ou limitar dereitos laborais". 

O sindicato reclama avances reais na xubilación anticipada mediante a aplicación de coeficientes reductores, dada a penosidad e o risco do traballo, así como a implementación efectiva dos contratos de substitución. UXT advertiu que manterá íntegra a súa plataforma reivindicativa "até lograr un acordo que recoñeza o valor, o esforzo e a profesionalidade" dos traballadores.

A CIG acusa á patronal de vincular subidas a recortes

Comisións Obreiras do Hábitat (#CCOO) cualificou a subida do 12% como insuficiente e criticou a proposta patronal sobre os contratos fixos descontinuos. Pola súa banda, a Federación de Traballadores de Seguridade Privada da Unión Sindical Obreira (FTSP-USO) tamén viu a oferta escasa e lembrou que a patronal rexeitara unha proposta sindical para mellorar a I.T.. Tanto CCOO como USO esixiron que se abordasen de inmediato os pluses de aeroporto e transporte de fondos.

O sindicato galego #CIG (Confederación Intersindical Galega), cunha importante presenza no sector en Galicia e un asento na negociación da mesa estal, foi especialmente crítico coa estratexia empresarial. O representante da CIG denunciou que a proposta da patronal era insuficiente e sinalou que esta tenta vincular as subidas salariais a recortes. Segundo o sindicato nacionalista, a patronal pretende que os traballadores paguen as subidas aceptando peores condicións na Incapacidade Temporal ou unha maior flexibilidade na blindaxe de fondos.

Para a CIG, a patronal non está a abordar os problemas reais que afectan os miles de vixiantes en Galicia, como "vos salarios baixos, a xubilación e a saúde laboral. O sindicato ELA, que tamén ten representación na mesa, sumouse ao resto da parte social no rexeitamento conxunto á proposta económica presentada por APROSER, ASECOPS e FES. CIG e ELA, nacionalistas, pediron negociación de convenios autonómicos. A patronal rexeitouno e as outras centrais parece que tampouco estarán polo labor. Non haberá convenio galego, salvo sorpresa.

Próxima reunión o 7 de novembro

A quinta reunión da mesa negociadora finalizou, por tanto, sen ningún tipo de acordo fiirma. A totalidade da representación sindical (#UXT, CCOO, USO, CIG e ELA) comunicou formalmente á patronal que a súa proposta do 12% "non é suficiente para iniciar a negociación dos aspectos económicos". Os sindicatos instaron á patronal a presentar unha nova proposta económica na próxima reunión que sexa realista e acorde ás reivindicacións da parte social.

A patronal, pola súa banda, tomou nota do rexeitamento unánime e reiterou que no próximo encontro volverán expor as súas esixencias en materia de I.T. e transporte de fondos, aínda que sexa mediante "propostas alternativas".

A negociación queda así emprazada á semana que vén. Fixouse a data da sexta reunión da comisión negociadora para o vindeiro xoves, 7 de novembro de 2025, ás 10:00 horas. Será entón cando se comprobe si a patronal está disposta a mellorar a súa oferta económica.

Mentres, a inquietude crece nunha parte dos traballadores do sector. De feito, hai convocada unha manifestación sen respaldo sindical fronte á sede de Aproser para o próximo 26 de novembro, fixada ás 11 da mañá.