A patronal xoga para gañar ou gañar

Cando impera a socialdemocracia fálannos do pacto social e negóciase para recuperar unha pequena parte de todo o perdido. E neste círculo vicioso ao final sempre perdemos os mesmos

Cando goberna a dereita impón leis e reformas que favorecen a patronal, a oligarquía e aos poderes económicos, aproveitan o poder para lexislar en contra das traballadoras e dos traballadores, arrebatando dereitos e facilitando a precariedade laboral e o despedimento como arma que sementa o medo entre os traballadores.

E cando goberna a socialdemocracia nos falan do pacto social e de negociar para recuperar unha pequena parte de todo o perdido.

E neste círculo vicioso ao final sempre perdemos os mesmos e gañan os de sempre.

A patronal aperta con tódas as súas forzas para non perder o terreo gañado aos sindicatos e aos traballadores, non están dispostos a reformar ó mercado laboral en favor da maioría, non queren de ningunha maneira negociar en pé de igualdade, intentan manter os seus privilexios a calquera prezo.

Lembremos que os que decidiron axudar a Pablo Iglesias e a Podemos a ocupar o espazo político da esquerda, o fixeron para logo tentar de destruílo cando xa non lles era útil, hoxe teñen cambiado de cabalo gañador, pero non de estratexia.

A ministra de Facenda, María Jesús Montero e o presidente da CEOE, Antonio Garamendi, presentan os Orzamentos Xerais do Estado (PGE) para 2022, na sede da patronal, ao 19 de outubro de 2021, en Madrid, (España) /EP