Cara a onde vai a Atención Primaria!

Xosé María Dios Diz
Médico especialista de Atención Primaria de Outes.

Médico especialista de Atención Primaria de Outes. Plataforma SOS Sanidade Pública.

“As negociacións adoitan ir mellor cando hai confianza. 
É moi difícil negociar cando ambas as partes desconfían”. 
Samuel Johnson: UK. 1709-1784: poeta, ensaísta, biógrafo, 
lexicógrafo e crítico literario en lingua inglesa.



O 08/04/2019, desconvocouse a folga na Sanidade Pública Galega, que estaba prevista para os días 9, 10 e 11 de abril. Fixémolo in extremis, cando se cumpriu a condición principal: a Mesa de Diálogo entre a Administración Sanitaria e as Entidades que formamos parte do Sistema Sanitario Público, para elaborar o Novo Modelo de Atención Primaria (AP) no país. Así, constituíuse o Consello Técnico de AP de Galicia, que comezou a súa andaina creando 15 Comisións Técnicas (CT) que abordarán toda a problemática existente na AP. As 8 primeiras CT eran das entidades que formamos partes dos Centros de Saúde (CdeS): Enfermería, Médicos, Odontólogos, Traballadores Sociais, PSX, Matronas, Farmacéuticos e Fisioterapeutas. As outras CT son de desburocratización e mellora da xestión da Incapacidade Temporal, a relación entre AP e Atención Hospitalaria, Formación e Docencia, Análise Demográfica, Prescrición Eficiente e a de Intervención Comunitaria. Somos 208 persoas traballando, 30 entidades, que de forma desinteresada queremos conseguir un Novo Modelo de AP. A día de hoxe, avaliadas case todas as CT, queda a 9 que, será a que ditamine cal será a AP do futuro en Galicia?


Tanto a administración como as entidades que estamos na negociación recibimos múltiples presións de diferentes colectivos que queren posicionarse no novo modelo. A pesar disto e á pandemia da Covid-19, o Consello Técnico está a funcionar e elaborando informes, que van cambiar a dinámica de traballo nos CdeS e nos PACs.


Medidas que consideramos prioritarias, serían cambios organizativos, como potenciar o carácter Interdisciplinario e Integral dos CdeS, potenciando e incorporando novas categorías profesionais, para dar resposta ás necesidades e problemas sanitarios da poboación: Psicoloxía Clínica, Logopedia, Atención Temperá, Terapia Ocupacional, Farmacoloxía Clínica. Incrementar de maneira importante os recursos humanos dos CdeS: coñecer o censo real de vacantes e adaptar a OPE a esas vacantes.


Desmedicalizar a AP, potenciando e priorizando as actividades de promoción, prevención, rehabilitación e reinserción social, facendo fincapé no traballo en equipo.

Reorientar a AP cara a un modelo Comunitario e Participativo, transformando as Áreas de Saúde en espazos para unha atención integral, baseada no diagnóstico de problemas, necesidades e recursos relacionados coa saúde: Plans de Saúde a nivel local. Potenciar as relación dos CdeS cos Hospitais de Área.


Mellorar a accesibilidade da poboación a atención de saúde e acabar coa masificación das consultas: incrementar os recursos humanos en función das necesidades e demandas de atención. Potenciar as áreas de recepción e apoio administrativo.


Incrementar os CdeS nas áreas rurais, para achegar a atención a toda a poboación. Priorizar a Atención Presencial e utilizar a consulta telefónica e a telemedicina de maneira complementaria. Mellorar a atención domiciliaria.


Cando se aproben os acordos alcanzados nas 15 Comisións Técnicas, cando finalicen os traballos da Primeira Fase, convocarase o Plenario do CT e establecerase unha folla de roteiro, para seguir a aplicación do acordado. Debe convocarse de forma urxente a Mesa Sectorial cos Sindicatos, para aprobar os cambios nas condicións de traballo do persoal. A administración debe establecer un calendario orzamentario para acompañar a posta en marcha das medidas, e debe facer cambios lexislativos (recuperar Áreas Sanitarias, recuperar a Participación Cidadá e Profesional). Recuperar as Xerencias de AP. Derrogación das dúas reformas da Lei Galega de Saúde (a segunda por ser Inconstitucional).



Cando se asine o acordo, consensuado, entre o SERGAS e as Entidades que formamos parte do CT, faremos a Atención Primaria do Futuro!



Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Máis opinión
Opinadores

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE