Obviáronse os protocolos de protección por casos de COVID-19 en instalacións da Xunta? CC.OO. denuncia que si
CC.OO. denunciou este domingo que non se activaron os protocolos de protección dos traballadores tras detectarse varios positivos por COVID-19 nas instalacións da Consellería de Economía, Emprego e Industria no barrio de Elviña, na Coruña.
CC.OO. denunciou este domingo que non se activaron os protocolos de protección dos traballadores tras detectarse varios positivos por COVID-19 nas instalacións da Consellería de Economía, Emprego e Industria no barrio de Elviña, na Coruña.
"Non se informou destes positivos nin se adoptaron medidas de illamento para o persoal que puido estar en contacto cos casos confirmados", denuncia CC.OO., que sinala que os responsables da xefatura territorial da Coruña "limitáronse a enviar ás dúas persoas confirmadas a casa".
Así, a organización acusa á Xunta de "abandono de funcións" e pídelle explicacións. "Coa saúde dos traballadores non se xoga, e menos nestes momentos nos que os brotes están a aumentar exponencialmente en Galicia e, en particular, na provincia da Coruña", dixo.
Por iso, CC.OO. reclamou a "inmediata adopción" de medidas de protección e avisou de que, "de non ter unha resposta positiva" tomará "as medidas oportunas denunciando esta situación ante a Inspección de Traballo e ante os tribunais competentes".
Escribe o teu comentario