Onde ver o mundial de fútbol? A galega R Cable chega a un acuedo con DAZN

O acordo entre MásMovil e DAZN contempla a creación dunha canle lineal específico dentro da televisión de R desde o que se emitirán en directo os 104 encontros do campionato, incluídos os da selección española.

Os clientes que xa teñan contratado DAZN LALIGA poderán acceder a estes contidos sen incremento na súa tarifa, mentres que quen dispoñan do plan premium tamén terán dispoñible a competición a través da aplicación dixital.

O torneo celebrarase entre o 11 de xuño e o 19 de xullo de 2026 en Estados Unidos, Canadá e México, con 16 estadios e unha participación marca de 48 seleccións nacionais.

España competirá no grupo H e disputará os seus primeiros partidos fronte a Cabo Verde, Arabia Saudita e Uruguai. Ademais, a operadora mantén acordos que permiten seguir partidos de Primeira RFEF, onde participan equipos galegos como Lugo, Pontevedra, Ourense ou Racing de Ferrol, reforzando así o seu posicionamento no ámbito autonómico.

A FIFA é a propietaria dos dereitos de emisión do Mundial e convocou un concurso internacional para adxudicalos mercado a mercado. 

En España, RTVE impúxose aos operadores privados coa oferta económica máis alta, que segundo fontes do sector practicamente duplicou o prezo de mercado. O custo final para as arcas públicas foi de 55 millóns de euros, converter na poxa máis alta presentada á FIFA no proceso de licitación, que pechou o 18 de febreiro de 2025. 

O acordo alcanzado coa FIFA incorpora tamén a Grup Mediapro como socio crave na distribución dos partidos dentro do territorio español. A empresa audiovisual catalá posúe unha sublicencia de RVEW que lle permite crear unha canle propia para revender eses dereitos ás plataformas e operadores de televisión de pago que considere oportunos.  Aí é onde entran DAZN e R Cable.

Isto tradúcese que na práctica, #RTVE emitirá 33 de 104 partidos en aberto, o resto emitiranse en canles de pago que compren os dereitos a Mediapro.

Concretamente, RTVEemitirá un partido por cada xornada, o partido inaugural, os principais duelos de oitavos e cuartos de final, as dúas semifinais, o terceiro e cuarto posto, e a final do 19 de xullo no MetLife Stadium de Nova York. Todo iso na 1 e en TVE UHD, tanto por TDT como no servizo de streaming RTVE Play.

Debe destinar diñeiro público aos dereitos deportivos?

A compra da maioría de partidos do Mundial por parte da empresa pública enmárcase nunha estratexia agresiva de adquisición de dereitos deportivos que levou a RTVE a comprometer máis de 360 millóns de euros en contratos que se estenden até 2032. 

Entre os grandes eventos xa asegurados figuran a Eurocopa 2028 por 50 millóns, as catro próximas edicións dos Xogos Olímpicos por 112 millóns, e os partidos da selección española até 2028 por outros 60 millóns. A falta de ingresos publicitarios na televisión pública e o uso de fondos do erario xeraron críticas sobre a sustentabilidade do modelo e a súa verdadeira función de servizo público.