Coa fin de semana por diante e a ponte que algúns gozarán, bo é poñer distancia aos últimos acontecementos deste xoves, que algúns o están aproveitando para manipulalos e confundir máis ao persoal, que está disposto a tragarlo todo porque se cren cos ollos pechados o que lle din os seus. Do que se trata é de dar munición para seguir alimentando ao persoal. Vaia país e vaia persoal!

A sentenza do Tribunal da Unión Europea permite a Puigdemont e Comín recoller as súas respectivas actas de deputados europeos. O mesmo poderá facer Junqueras. Iso non implica que se anule o xuízo, que o dúo “belga” volva a Catalunya e que Junqueras salga á rúa. A sentenza non vai diso, que faltan uns días para o 28 de decembro; queda moitas cousas que explicar.

Din os entendidos que a entrada no Parlamento pode acelerar a euroorden e facer volver a Puigdemont a España, pero non a Barcelona, senón a Madrid, onde a Xustiza está a esperalo. Coidado con tanta alegría. Ninguén na Eurocámara dúbida de que España é un país democrático e que o xuízo se realizou con todas as garantías e non entra na sentenza. Así que non abusen algúns do cava porque igual séntalles mal.

A maioría dos independentistas están encantados da vida, coma se isto fose o gran triunfo que lles catapulta á Europa que ata o de agora non lles facía caso. O único dos afectados que ten os pés no chan é Junqueras, que pediu prudencia e analizar ben a sentenza, algo que deberían facer os políticos que gobernan Catalunya, que sen ler a sentenza botáronse aos medios con demasiada alegría. Prudencia, prudencia e máis prudencia... O circo ten os seus propios actos e o seu espazo, non deben invadilo. Ao circo profesional vaise a pasaalo ben, o outro o único que produce é pena.

Pois co gran pastel político-xudicial que temos sobre a mesa, a alta contaminación que asolaga os ceos da área Metropolitana de Barcelona e que cada día respiran miles de persoas, nada mellor que facer un pensamento e cambiar de zona, aínda que só sexa por uns días. Quizais así, coas pilas recargadas, os pulmóns algo máis limpos e as ideas máis claras, a volta á dura realidade sexa máis levadía.