Endesa promete "unha actividade industrial similar" nas Pontes

Endesa prometeu estudar alternativas para manter aberta a central ou polo menos a actividade industrial en  As Pontes de García Rodríguez. Así o adiantou o presidente da compañía tras unha reunión co presidente da Xunta en Santiago.

Unha pasada mobilización dos camioneiros que traballan para Endesa colapsando o tráfico na Coruña

José Bogas non concretou que alternativa baralla Endesa para seguir operando nas Pontes. Limitouse a prometer analizar escenarios.

Tras a reunión, Bogas aludiu a o "compromiso absoluto" da filial da italiana ENEL coas Pontes e así  "traballar para atopar solucións que poden permitir cunha actividade industrial similar, senón é ao 100% como actualmente, que se poida compensar, que se poida seguir xerando emprego e riqueza".

INVESTIMENTO EÓLICO?

O directivo recoñeceu que "hai dificultades" e non concretou máis. No seu día, filtrouse que Endesa baralla un gran investimento eólico nas Pontes, pero posteriormente ninguén quixo ampliar detalles.

Pola súa banda, Feijóo prometeu o seu apoio e volveu cargar contra o Goberno do España, ao que esixiu cambios normativos. Acusou o Estado de combertir a transición ecolóxica nunha ruputura e nunha fonte de crise para comarcas enteiras.

O presidente de Endesa con Feijóo 

"Endesa se copromete a manter a central traballando e para iso é necesario buscar solucións para o prezo da tonelada de emisións de C02 non fagan incompatible o funcionamento coa conta de resultados", dixo o mandatario para presionar a Moncloa. 

En Endesa traballan directamente uns centos de persoas, pero o emprego indirecto entre auxiliares e camioneiros dispárase ata os 750. É o principal motor económico da comarca.