Controlado o incendio de Arbo declarado o mércores pola noite
O lume iniciouse ás 22.22 horas da pasada xornada na parroquia de Cabeiras e está controlado desde as 09.55 horas
Un incendio forestal declarado en Arbo na noite do mércores quedou controlado durante esta mañá, segundo informa a Consellería do Medio Rural, que estima a superficie afectada en ao redor de 30 hectáreas.
O lume iniciouse ás 22.22 horas da pasada xornada na parroquia de Cabeiras e está controlado desde as 09.55 horas. Para a súa extinción mobilizáronse, polo de agora, tres axentes, 10 brigadas e sete motobombas.
O departamento autonómico lembra que o teléfono gratuíto 085 está a disposición da cidadanía en caso de detectar algún incendio forestal. Ademais, dispón doutro teléfono anónimo e gratuíto para denunciar calquera actividade delictuosa incendiaria da que se teña sospeita ou coñecemento: 900 815 085.
Escribe o teu comentario