A Mesa apoia a manifestación "pola dignidade dos medios de comunicación pública" de CRTVG e CRTVE

"O pouco que o galego existe no audiovisual sería nada de non existir a RTVG", expón o presidente da Mesa, Marcos Maceira


|

Manifestación CRTVG TVE   Eva Neira


Este sábado 8 de setembro o persoal da Compañía Radio Televisión de Galicia e Radio Televisión Española arrincan desde as instalacións de ambos os medios de comunicación en San Marcos en unha manifestación "pola dignidade dos medios de comunicación pública"


A Mesa pola Normalización Lingüística fai un chamamento para participar na marcha contra a manipulación informativa, sumándose a os apoios que "as e os profesionais da televisión pública galega están a recibir de centos de entidades do ámbito social, cultural, político e sindical", segundo explican nun comunicado. 


"Sen RTVG non teriamos noticias en galego, nin programación infantil en galego, nin películas, nin series, nin música en galego. O pouco que o galego existe no audiovisual sería nada de non existir a RTVG", expón o presidente da Mesa, Marcos Maceira. 


Maceira tamén alude á necesidade de "dar un impulso novo ao papel normalizador que dá razón de ser á CRTVG e facelo desde a pluralidade, a obxectividade e a dignidade". O presidente expón que o galego necesita medios de comunicación "ao servizo de Galicia e atentos á realidade cultural, social e política". 


"A dignidade no traballo das e os profesionais é fundamental para manter unha CRTVG viva e de calidade, e isto é imprescindible para unha lingua viva e con futuro", sentencian desde a Mesa. 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE