sanidad

Desde o Defensor do Paciente solicitaron ao Fiscal Xeral de Galicia a apertura dunha investigación polos feitos ocorridos onte en Lalín, onde un home de 74 anos faleceu despois de esperar máis de media hora a ser trasladado ao PAC da localidade. A ambulancia que tiña que trasladalo chegou procedente de Chantada, que se atopa a máis de 35 km de distancia de Lalín.

A Consellería de Sanidade contratou a 60 profesionais para o Servizo Galego de Saúde (SERGAS) e destina sobre 1,7 millóns de euros para a compra de material no marco do dispositivo habilitado fronte á presenza de coronavirus. Galicia, de momento, non rexistrou positivos a esta enfermidade de entre os 115 casos detectados en España.

A Federación de Sanidade de CCOO de Galicia vén de denunciar o "uso fraudulento" de servizos da concesionaria de mantemento no canto de recorrer ás listaxes de emprego público, unha práctica que considera "especialmente vergoñosa", tendo en conta que teñen lugar ao mesmo tempo que a administración galega "oferta a posibilidade de formar parte das listaxes de contratación eventual, despois de pagar as preceptivas taxas, como no resto de categorías profesionais do ámbito sanitario".

A gripe de Wuhan xa está presente en 13 comunidades autónomas -en Galicia todos os casos sospeitosos deron negativo ata a data- e a nivel mundial xa se cobrou a vida de 3.000 persoas. Cantabria anunciou nas últimas horas ata unha decena de positivos polo covid 19.

Mentres continúa a escalada de casos en España, cun paciente grave en Madrid -un home de 77 anos ingresado na UCI que presenta outras patoloxías previas-, no Sistema Galego de Saúde prepáranse para acoller futuros pacientes despois de descartar todos os casos analizados no día de onte, á vez que advirten que o uso de máscaras "non serve para nada" en persoas asintomáticas.

O caso do Concello de Viladecans, que este martes xa puxo en marcha o protocolo para tratar a infectados por coronavirus durante a análise a un paciente sospeitoso, é un dos moitos que se están levando a cabo en distintas localidades españolas.

Un home de 84 anos, falecido en Bérgamo, foi o cuarto falecido en Italia a causa do coronavirus. As autoridades sanitarias italianas manteñen en corentena a varias cidades do norte, mentres desde Bruxelas chaman ao conxunto de países da Unión para actuar con cautela e non pechar as fronteiras en prol de manter a unidade. 

As autoridades sanitarias italianas confirman os dous primeiros falecementos no país transalpino por mor da enfermidade, con máis de 200 persoas en corentena. 

Hoxe a Fundación Pública Urxencias Sanitarias de Galicia-061 , responsable do tranporte sanitario urxente, sae ao paso destas manifestacións.A Fundación Pública Urxencias Sanitarias de Galicia-061 asegura que "todas as ambulancias pertencentes á Rede de transporte sanitario urxente do servizo público galego de emerxencias sanitarias, cumpren estritamente coa normativa vixente en canto á dotación do persoal e a formación necesaria".A Xunta insiste que as ambulancias cumpren tamén a nivel de equipamento, algo que tamén cuestionou a CIG. "Todas as ambulancias que prestan servizo para a Fundación Pública Urxencias Sanitarias de Galicia-061, ademais das da Rede de transporte sanitario urxente están dotadas dun desfibrilador externo semiautomático e o seu persoal ten a formación e a titulación esixida no citado anexo", explican desde a Administración .

Francia confirma a primeira morte dun paciente con coronavirus en Europa. O caso supón a primeira morte por coronavirus fóra de Asia, aínda que o falecido en Paris é un turista chinés de 80 anos que levaba hospitalizado na capital francesa varias semanas. Hong Kong, Xapón e Filipinas, ademais de China, tamén han rexistro mortes pola enfermidade.

Unha nova inspección realizada este venres por técnicos da Consellería de Sanidade na empresa láctea Casa Macán constatou que "non están arranxados todos os incumprimentos detectados".