Como xa anunciara a semana pasada, o Ministerio de Traballo bota abaixo o artigo '52.d' do Estatuto de Traballadores, unha medida que será efectiva a partir de mañá e que poñerá fin aos despedimentos por baixas médicas acumuladas e xustificadas.
A compañía tomou a medida de suprimir dúas pagas anuais, o que supón un cambio no método de remuneración que ata o de agora viña percibindo o persoal da cadea de grandes almacéns.
Foi a ministra ferrolá Yolanda Díaz a que confirmou a noticia. A próxima reunión do Consello de Ministros virará ao redor desta medida para derrogar o artigo do Estatuto dos Traballadores que, ata o de agora, permite o despedimento por baixas médicas.
Os traballadores reclaman que se retire o ERE e abónense os salarios que se deben desde novembro. Mentres, o conselleiro de Economía, Emprego e Industria, Francisco Conde, garantirá que a Xunta traballará para "identificar posibles investidores" e "dar viabilidade" a Isidro 1952.
Os sindicatos maioritarios en Galicia --UXT, CC.OO. e CIG-- alertaron de que os datos da EPA de 2019, coñecidos este martes, reflicten a "desaceleración" da actividade económica, cunha caída do paro (de 2.300 persoas) na Comunidade "catro veces menos" que en 2018.
Descoñecido ata hai uns anos en Galicia, o Black Friday e o Cyber Monday son xa dúas realidades incuestionables na economía galega. De feito, son moitos os comercios e cadeas de distribución que buscan traballadores para esta tempada. Máis de 8.000 empregos crearanse no país a rebufo destas modas, segundo un estudo dunha ETT.
A plataforma 'Traballador@s de R' atende a Galiciapress para profundar na deslocalización dos servizos que trouxo consigo a venda da empresa de telefonía R á compañía Euskaltel. Case un milleiro e medio de traballadores en Galicia dependen de R, entre subcontratas e traballadores propios, polo que desde o colectivo demandan á Xunta máis implicación para salvar estes postos de emprego. Ademais, a deslocalización de servizos significa unha "importante perda de calidade para os clientes".
En colaboración coa Fundación Princesa de Xirona (FPdGi), Viaqua trae a Galicia a once novos procedentes de distintos puntos de España a participar no programa formativo 'Rescatadores de talento'.
O número de cotizantes á Seguridade Social resiste, pero crece ao ritmo máis leve desde 2013, cando aínda estabamos en crise. O dato do paro mostra tamén un aumento limitado a nivel estatal (+0,4 en España), a menor subida dede fai quince anos, pero importante a nivel galego (+2,06%). Son indicadores de que a economía aínda non entrou en recesión, pero mostra cada vez máis síntomas de estancamento.
A fábrica, que leva meses de tensións laborais ante a denunciada sobrecarga laboral, enfróntase ao reto de sacar antes de final de ano os primeiros coches do novo todocamiño, que terá versión 100% eléctrica A planta de PSA Peugeot Citroën Opel en Vigo ultima a contratación de 1.200 operarios que se incorporarán nos próximos meses, co fin de poder desenvolver a industrialización do novo modelo, o Peugeot 2008, segundo trasladou a dirección da fábrica aos sindicatos este martes, na reunión da Comisión de Emprego da factoría, e segundo anunciara a empresa cando presentou o novo vehículo.
Alcoa e Parter alcanzaron este luns un principio de acordo para a venda das plantas da Coruña e Avilés, á vez que se amplía de novo o proceso do ERE ata o 31 de xullo co fin de poder selar o visto e prace. Tras este principio de acordo que reconduce a situación, volverá convocar aos traballadores o vindeiro mércores para presentarlles o borrador do texto que se rubricará a final do proceso de venda. "Non imos bendicir ningún proceso no que non participamos", avisan os traballadores.