Pico prenavideño ou non á marxe, en todo caso, Galicia chegará ás festas cuns niveis de transmisión altísimos. De feito, hoxe a incidencia semanal sobe ao nivel máximo de alerta posible. Unha situación potencialmente explosiva porque, no mellor dos casos, aínda falta un mes para o pico dunhas hospitalizacións que xa son moi relevantes en Vigo e Ourense.
Cando se producirá o pico de contagios? Coa traxectoria actual, nunha semana, aproximadamente, a incidencia semanal debería empezar a baixar. Cando se producirá o pico de casos activos? Ata onte a traxectoria da serie indicaba que sería en torno ao 20 de decembro. Claro que a subida de contagios produto do ponte da constitución pode atrasar estas previsións.
A lista de "casos destacados" entre os centros educativos non universitarios remitida hoxe pola Xunta é a seguinte:
Doutra banda, baixa o número de afectados nas residencias para a discapacidade, onde só atopamos casos activos na residencia ferrolá Coral Seoane, que con todo conta cun importante descenso : de 25 a 18 casos nunha semana.
Hai que remontarse ao 7 de agosto para atopar máis de 1.000 diagnósticos nunha xornada e ao 23 de agosto para superar a barreira dos 10.000 casos activos revasada hoxe. En cuestión de días a incidencia semanal entrará en risco moi alto, o peor posible. A presión hospitalaria, que xa é importante en Vigo e Ourense, acabará subindo en toda Galicia. Máis restricións parecen inevitables, canto antes, mellor, para limitar a súa dureza.
É evidente que os colexios están a ser un dos motores da sexta onda en Galicia. Hai máis casos activos nas escolas que o curso pasado por esta datas. Os tramos de idade con maior incidencia son os nenos non vacinados e as persoas de entre 30 e 50 anos, as súas nais e pais. O portavoz parlamentario do PSdeG, Gonzalo Caballero, urxiu ao presidente a tomar "medidas urxentes".
Relación de concellos cun cómputo semanal maior de 10 e cuxo total de positivos na última semana baixa hoxe respecto a ese total onte:
Relación de concellos cun cómputo semanal maior de 10 e cuxo total de positivos na última semana baixa hoxe respecto a ese total onte: