Que José Luís Baltar atesoura unha gran colección de coches antigos non é novidade. Que o ex-líder do PP de Ourense enchufó a centenares de persoas na Deputación tampouco. Agora ben, que esa colección creceu, presuntamente, grazas ás doazóns de vehículos a cambio dos enchufes, si sería unha gran novidade. Isto é, precisamente, o que se desprende de varios audios filtrados hoxe polo diario madrileño Público. Por agora, nin a familia Baltar nin a Deputación de Ourense rebateron as acusacións.