PSdeG critica o bloqueo de Rueda á participación de Galicia no plan de vivenda do Goberno

O secretario de Política Municipal do PSdeG e alcalde de Cerceda, Juan Manuel Rodríguez García, criticou este domingo a negativa do presidente da Xunta, Alfonso Rueda, a participar no Plan de Vivenda 2026-2030 proposto polo Goberno de España na Conferencia de Presidente celebrada este venres en Barcelona.

Segundo lembrou, esta iniciativa prevía un investimento total de 7.000 millóns de euros en colaboración coas comunidades autónomas e incluía medidas como a declaración de vivenda protexida, la creación dun rexistro público de prezos "reais" de compra e aluguer, e a promoción de vivenda pública a través da colaboración cos concellos.

"É unha proposta seria, con investimento do Estado asegurada e instrumentos reais. Pero unha vez máis, Rueda opta polo bloqueo", sinalou Juan García. Ademais, asegurou que a negativa da Xunta deixa a Galicia "sen acceso a novos recursos para ampliar o parque de vivenda protexida, nun momento no que hai máis de 22.000 persoas inscritas no Rexistro Único de Demandantes de Vivenda".

Con todo, aseverou que "o que está en xogo" non é un debate político senón unha "necesidade real" e lamentou que Galicia "queda atrás porque Rueda escolle seguir o guión de Feijóo antes que defender aos galegos e galegas que están a esperar por un fogar".
 

RESTRINXIR A LIBERDADE PEDAGÓXICA ES "UN GRAVE ERRO"

O portavoz de Educación do Grupo Socialista no Parlamento de Galicia, Julio Abalde, pediu á Xunta que "explique con claridade" o alcance da súa proposta de establecer unha "neutralidade ideolóxica" na educación pública e advertiu de que "calquera intento de restrinxir" a liberdade pedagóxica do profesorado sería un "grave erro" e xeraría "inseguridade nos centros e desconfianza" entre a comunidade educativa.

O un comunicado, Abalde insistiu en que a educación pública débese " serguir baseando" en principios democráticos recolleitos na lexislación vixente, como o desenvolvemento do pensamento crítico, a igualdade, o respecto á diversidade e a formación dunha cidadanía comprometida. "O que é necesario garantir é que o alumnado poida acceder a unha formación plural e completa que lle permita entender lle mundo no que vive", sinalou Julio Abalde.

Neste sentido, lembrou que a liberdade de cátedra é un dereito recoñecido pola Constitución e advertiu que "calquera instrución" orienta a "limitar" o debate educativo ou a "condicionar" os contidos em función de criterios políticos "sería contraria ao marco legal". "A escola non pode funcionar con ambigüidades nin coa sombra da censura sobre temas que forman parte do currículo ou das preocupacións sociais actuais", incidiu.

Así mesmo, remarcou a "contradición que suporía" pedir a neutralidade ideolóxica mentres se mantén no sistema educativo a materia de relixión confesional. "Se se abre este debate, haberá que facelo con coherencia, revisando todas as influencias presentes na educación e non só aquelas que incomodan a determinados gobernos", esgrimiu.