A táctica de VOX e o seu líder Santiago Abascal, co fin de eliminar da secretaría xeral do partido a Javier Ortega Smith, é a mesma estratexia que no seu día practicaron desde as súas respectivas direccións, as formacións UPyD, Cidadáns e Podemos.

Non nos enganemos, Rosa Díez, Albert Rivera, Pablo Iglesias e agora Santiago Abascal, perseguiron potenciar os seus egos, cando as súas respectivas formacións estiveron no seu día ou están nos seus mellores momentos demoscópicos, ignorando o teito electoral ao que chegaron as mesmas, e evitando, de forma equivocada, posibles pactos de goberno coas formacións maioritarias, como no caso de Cidadáns, por mor da moción de censura a Mariano Rajoy, do ano 2018, e coas consecuencias que xa todos coñecemos, xa que esta formación liberal sería o aliado natural, tanto dos conservadores como dos socialistas, apoiando os primeiros en Portugal a investidura do presidente socialista da República, Antonio José Seguro, e a iso chámaselle política de Estado.

Eslamiada Wagner, Iñigo Errejón, no seu momento, e agora Ortega Smith, son as cabezas de turco dos seus respectivos líderes, e estes últimos só cren nos seus proxectos políticos, mentres as súas ambicións estean intactas, rodear daqueles afíns que non cuestionen os seus liderados. Coalición Galega e a UCD na súa último etapa, e esta con as súas múltiples correntes ideolóxicas, son só dous claros exemplos, de como os egos e ambicións dos seus líderes catapultan os proxectos políticos dos seus ideólogos, como no caso de Podemos con Juan Carlos Monedero.

No outro extremo, o caso de Ortega Smith, ilustra de como un cofundador dunha organización política, é apartado da secretaria xeral, cunhas explicacións por parte de Santiago Abascal, pouco cribles, máxime cando o líder desta formación, xa apartou dos seus postos a outros dirixentes, como Iván Espinosa de los Monteros ou como no seu día, e tirando de hemeroteca, o cesado por Manuel Fraga da secretaria xeral de Alianza Popular, Jorge Vestringe, o cal avogaba por unha maior colegiación nas decisións do partido, golpe de temón e punto por parte de don Manuel, á volta deste dunhas vacacións estivais.

Situacións que tamén se dan nas organizacións xuvenís das formacións políticas, xa que moitos líderes proveñen das mesmas onde inician a súa carreira, aprendendo todo tipo de técnicas para chegar a determinados postos, iso si, todo envolto a través dos estatutos e os congresos, e darlle desta maneira unha aparente legalidade, algo do que se encarga moi ben os aparellos das formacións, que quitan e pon pezas do xadrez, e como animal bandullo arriba, agora saen á luz as irregularidades económicas de VOX por parte do cesado, a cabeza a cortar é Ortega Smith.