Quen son os amigos de Jaume Roures?

Din que co diñeiro público hai que ser moi trasparente e xustificar as cousas que se fan. co . A teoría  explícase moi ben, a práctica é outra cousa ben distinta, como se pode comprobar moi a miúdo, para desgraza dos que aínda cren que é posible a teoría.

Mediapro-, a través dunha das súas múltiples empresas- a compañía de Jaume Roures e Tatxo Benet é a gran agraciada tamén de TVE, despois de levar 8 dos 14 millóns de euros dos Fondos da UE, - un 55% de do concurso- para o proxecto educativo Feixe, que é algo así como unha plataforma de ensino web, dirixida á formación continuada e profesional e promover as competencias dixitais.

A adxudicación deste concurso deixou indignados ás 30 produtoras audiovisuais que tamén se presentaron ao concurso, algunhas delas con máis experiencia neste campo que a empresa de Roures. Outra das empresas Catorce Comunicación que xunto con Mediapro fixéronse co 85% do orzamento do proxecto. Unha concentración “demasiada” sectaria que se di, cando o obxectivo dos Fondos Next Generation é o de beneficiar ao maior número de empresas, obxectivo que non se deu en TVE.

O concurso licitouno o Instituto de RTVE- dependente de TVE-, cuxa sede se atopa en Barcelona, o seu director, Carles Gómez Gálvez que anteriormente fora durante catro anos director de TVE en Catalunya. 

Quen está detrás da empresa Catorce Comunicación?. O seu o seu propietario é Nicolás Ramón García, máis coñecido como Nico que é ademais administrador único, director Xeral, director Financeiro, director Comercial e director de Mercadotecnia, algo así como Juan Palomo, “Eu mo guiso e eu cómomo”. Catorce Comunicación é a produtora de, entre outros programas de TVE: Aquí A Terra e do programa de Mónica López “Agora ou Nunca”.

Jaume Roures é ese tipo de personaxe habilidoso que é capaz de estar metido no  proxecto do independentismo en Catalunya á vez que seguía os seus contactos con políticos nacionais, entre eles con Pablo Iglesias, aínda que na actualidade esa relación quedou rota. Mediapro foi unha das produtoras mequeiras de TV3, só hai que revisar os contratos que tivo todos estes anos. A súa relación co independentismo, non foi obstáculo para máis que boa relación, simpatías e apoio dalgúns destacados socialistas, entre eles parlamentarios na actualidade no Congreso dos Deputados. É algo así como a xeometría variable que aplica Roures e tamén determinados políticos de esquerda e independentistas. É Roures un celestino político?, iso din deste troskista dos seus primeiros inicios. 

Tatxo Benet, xornalista deportivo nos seus inicios, pronto se deu conta do negocio do futbol na televisión. Alí meteuse como socio de Roures, onde gañaron moito diñeiro, pero tamén nalgunhas xogadas perderon os seus bos millóns- non son pobres-. Foi unha especie de muleta mediática do procés e iso tivo a súa recompensa nos documentais emitidos pola televisión duns cantos que é TV3. Tras tantos éxitos económicos, tamén lle chegaron os fracasos , uns cantos nas retransmisións deportivas e na prensa, caso do diario Público, onde non saíron ben parados. Teñen moitas débedas Roures e Benet? Iso afirman, pero neste país canto maior é a débeda, máis crédito tense. 

O resultado do concurso do proxecto educativo Feixe de TVE non foi o máis acertado e as dúbidas sobre a concesión segue estando aí. Non sei quen dixo a frase “quen ten un padriño, ten un tesouro”.