Oposicións Xunta 2026: 100 prazas máis que o ano pasado

A Xunta de Galicia aprobou unha oferta de emprego público (OPE) para 2026 que alcanza as 1.200 prazas, unha cifra superior á do ano anterior, cando se convocaron 1.100. O anuncio realizouno o presidente autonómico, Alfonso Rueda, tras a reunión do Consello, nunha decisión que di  busca reforzar os servizos públicos e dar continuidade á substitución xeneracional na Administración galega.

O xefe do Executivo autonómico explicou que esta proposta será presentada aos sindicatos nos próximos días, no marco do proceso de negociación habitual. A convocatoria, dependente da Consellería de Facenda,  prevé unhas  811 prazas serán de acceso libre, o que supón cerca do 70% da oferta. Este enfoque prioriza a incorporación de novo persoal á Administración, unha tendencia consolidada en Galicia nos últimos exercicios.

Repartición por categorías

En canto á distribución por perfís, a Xunta detalla que 370 prazas corresponden á administración xeral, mentres que unhas 330 destínanse á administración especial. A estas súmanse máis de 90 prazas para persoal laboral, o que reflicte a diversidade de ámbitos nos que se reforzará o persoal público.

Pola súa banda, a oferta inclúe 391 prazas de promoción interna, dirixidas a empregados públicos que xa traballan na Xunta. Dentro deste bloque, 300 prazas están reservadas a funcionarios de carreira, mentres que 91 oriéntanse a continuar o proceso de funcionarización do persoal laboral fixo iniciado en convocatorias anteriores.

O Goberno galego ha subliñado tamén o compoñente social da medida, xa que se reserva un 12% das prazas para persoas con discapacidade, cinco puntos por encima do mínimo legal esixido. Esta decisión busca fomentar unha maior inclusión no acceso ao emprego público.

Contexto e negociación sindical

Rueda destacou que a Xunta volve situarse na taxa máxima de reposición permitida polo Estado, un límite que condiciona o número de prazas que poden convocar as comunidades autónomas. Este aspecto foi motivo de debate nos últimos anos, con reclamacións para flexibilizar estas restricións.

A oferta deberá ser negociada coas organizacións sindicais, que previsiblemente porán o foco en aspectos como pedir máis prazas pois levan anos queixar do alto grao de temporalidade no emprego público. Con todo, polo momento, os sindicatos non se pronunciaron publicamente sobre as cifras da convocatoria que acaba de revelar Rueda.