Bartomeu recorre ao heroe de Wembley da primeira 'orellona' para reflotar ao Barça
O holandés asina por dous anos e chega coa intención de facer limpeza no vestiario e reconducir a situaciòn do equipo
Ronald Koeman xa é, oficialmente, novo adestrador do Barça. O club blaugrana anunciou a súa contratación ata o 30 de xuño de 2022 coa idea de que reconduza e rexenere o vestiario azulgrana, moi tocado polos últimos resultados e a imaxe ofrecida nos últimos tempos.
A chegada de Koeman, practicamente anunciada desde o desastre de Lisboa, abre unha serie de incógnitas, sobre todo no que fai referencia á continuidade dalgúns xogadores do vestiario azulgrana, entre eles algúns dos pesos pesados que ata o de agora parecían intocables. Tan só Messis e Ter Stegen parecen ter a continuidade asegurada, ademais dalgúns canteiráns como Ansu Fati e Riqui Puig.
O técnico holandés é un bo coñecedor da entidade blaugrana. Xogou seis tempadas no Barça e foi o autor do gol que deu á entidade a súa primeira Copa de Europa.
Tamén iniciò no club a súa carreira como adestrador, nas divisións inferiores. Posteriormente dirixiu equipos como Vitesse Arhem, Ajax de Amsterdam, Benfica, PSV Eindhoven, Valencia, Az Alkmaar, Feyenoord, Southampton, Everton e a selecciòn holandesa.
Escribe o teu comentario